O‘zbekiston va dunyo bo‘ylab 28-sentabr kuni olingan sara suratlarni namoyish etamiz.

Moskvada kuz kunlarida bog‘dan oralab o‘tayotgan tramvay.

Foto: AFP

Shavkat Mirziyoyev Farg‘onaga tashrifi davomida uzumchilik bilan shug‘ullanuvchi Jumaboy Ismoilov xonadonida mehmon bo‘ldi.

Foto: Prezident matbuot xizmati

Buyuk Britaniyaning Chorlivudi shahridagi Prop Store do‘koni xodimi mashhur kinoqahramonlarning kostyumlari va rekvizitlarini sotishdan oldin namoyish qilmoqda.

Foto: “TASS”

Avstraliyaning Viktoriya shtatida koronavirusning yangi holatlari aniqlanishda davom etayotgani sabab Melburndagi cheklovlar saqlanib qolmoqda.

Foto: EPA

Meksika mustaqilligining 200 yilligini nishonlamoqda.

Foto: EPA

Xitoyda itlar o‘rtasida milliy musobaqa bo‘lib o‘tdi.

Foto: Getty Images

Milandagi Youth4Climate forumida ishtirok etayotgan ekofaol Greta Tunberg.

Foto: EPA

Nyu-York osmonida oyning chiqishi.

Foto: Getty Images

Yaponiya bosh vaziri Yosixide Suga COVID-19 tufayli favqulodda holat rejimi to‘liq bekor qilinganini e’lon qilmoqda.

Foto: EPA

Alitalia aviakompaniyasi xodimlari ish sharoitidan norozilik bildirib, Rimda namoyish o‘tkazdi.

Foto: EPA

Gonkongda Xitoy Xalq Respublikasi tashkil topganining 72 yilligi nishonlanishiga tayyorgarlik ko‘rilmoqda.

Foto: EPA

Amsterdamdagi Rijks muzeyida Uyg‘onish davriga atalgan “Meni esla” portretlari ko‘rgazmasining press-namoyishi bo‘lib o‘tdi.

Foto: AP Photo

Kaliforniyaning Sekvoyya milliy o‘rmonida yong‘in tobora kengaymoqda.

Foto: Reuters

Ashxobodda Turkmaniston Mustaqillik kuniga bag‘ishlangan paradda qatnashayotgan askar.

Foto: Reuters

Pekindagi PT Expo ko‘rgazmasida Xitoyning Unicom telekommunikatsiya provayderining stendida VR moslamasini taqib olgan ayol.

Foto: AP Photo

Turkiyaning Van shahri yaqinidagi tog‘lardan qish fasli yaqinlashayotgani sabab yaylovlarga tushayotgan qo‘ylar suruvi.

Foto: Getty Images

Prezident Jo Bayden Oq uy kampusida Pfizer vaksinasining uchinchi dozasini olmoqda.

Foto: AFP

Idlibda eri va ikki farzandi havo hujumida halok bo‘lgan advokat Vaad al-Tamer nogironlar va yetim bolalar uchun bolalar bog‘chasini ochdi.

Foto: Getty Images

Tailandda Dianmu tropik bo‘roni 30 ta provinsiyada suv toshqini keltirib chiqardi. Mahalliy aholi harakatlanish uchun qayiqlardan foydalanyapti.

Foto: AFP

Xitoy Xalq Ozodlik armiyasi Harbiy-havo kuchlari aviatsiya universitetining “Qizil lochin” havo namoyish guruhi a’zolari Guangdong provinsiyasining janubidagi Chjuxay shahrida Airshow China 2021 deb nomlanuvchi 13-Xitoy Xalqaro aviatsiya va aerokosmik ko‘rgazmasida chiqish qilmoqda.

Foto: AP Photo