Future Leaders Exchange ya’ni FLEX (kelajak liderlari almashinuvi) — notijorat madaniy almashinuv dasturi bo‘lib, u o‘rta maktabning yuqori sinflarida tahsil olayotgan o‘quvchilar uchun mo‘ljallangan. Dastur O‘zbekiston o‘quvchilariga AQSh maktablarida bir yil davomida bepul ta’lim olish imkoniyatini taqdim etadi.
FLEX dasturi AQSh Davlat departamentining Ta’lim va madaniyat ishlari byurosining madaniy almashinuv loyihasi hisoblanadi. Dasturni moliyalashtirish AQSh hukumati tomonidan, O‘zbekiston hududidagi faoliyatini muvofiqlashtirish esa Xalqaro ta’lim bo‘yicha Amerika Kengashlari: ACTR / ACCELS (American Councils) tomonidan O‘zbekiston Respublikasi Xalq ta’limi vazirligi ko‘magida amalga oshiriladi. Dasturning asosiy maqsadi AQSh fuqarolari va boshqa xalqlar hamda mamlakatlar o‘rtasidagi uzoq muddatli munosabatlarni rivojlantirish va mustahkamlashdan iborat.
28 yillik faoliyat davomida 29 mingdan ortiq o‘quvchilar FLEX dasturining ishtirokchisiga aylangan. 2021-yilning yozida o‘zbekistonlik 37 o‘quvchi FLEX dasturi bo‘yicha AQShda o‘qish uchun jo‘nab ketdi.
2022—2023-o‘quv yili uchun arizalarni qabul qilish 13-sentabrdan boshlangan bo‘lib, joriy yilning 15-oktabriga qadar davom etadi.
Arizalar http://ais.americancouncils.org/flex sayti orqali qabul qilinadi.
FLEX dasturida ishtirok etish barcha uchun ochiq va mutlaqo bepul, lekin ishtirokchilar belgilangan mezonlarga mos kelishlari va tanlovdan o‘tishlari lozim. Tanlovda imkoniyati cheklangan o‘quvchilar ham ishtirok etishlari mumkin. Har yili 20 ga yaqin imkoniyati cheklangan o‘quvchi FLEX dasturining g‘olibiga aylanadi. Ishtirokchi tanlov davomida faqat bir marta ariza topshirishi mumkin. Bir yilda ikki marta ariza topshirish mumkin emas.
Dasturda ishtirok etish uchun o‘quvchi quyida keltirilgan mezonlarga mos kelishi lozim.
1. Ishtirokchining yoshi va ta’lim olayotgan sinfi tanlov talablariga mos kelishi kerak. Nomzodlar 2005-yil 1-yanvardan 2007-yil 15-iyulgacha tug‘ilgan bo‘lishi va o‘rta ta’lim maktabining 9, 10, 11-sinflarida yoki 9-sinfni tamomlagandan so‘ng litsey/kollejning 1 yoki 2-bosqichida ta’lim olayotgan bo‘lishi lozim;
2. O‘zbekiston hududidagi o‘rta ta’lim maktabi, kollej yoki litseyga qabul qilingan bo‘lishi, shuningdek, ariza topshirilayotgan vaqtda darslarga qatnashayotgan bo‘lishi lozim;
3. Faqatgina yaxshi va a’lo baholarga o‘qishi;
4. Ingliz tilini avvaldan yaxshi darajada o‘zlashtirgan bo‘lishi va tanlov doirasida egallagan bilimlarini ko‘rsatib bera olishi;
5. Amerika vizasi talablariga mos kelishi;
6. O‘zbekiston fuqaroligiga ega bo‘lishi.
FLEX dasturi bo‘yicha tanlov uchta qat’iy sinov boshqichlarini o‘z ichiga oladi.
1-bosqich: 2021-yil 13-sentabrdan 15-oktabrgacha, ochiq shaklda o‘tkaziladi. Ushbu bosqich dastlabki onlayn ariza va 3 ta esse savollarini o‘z ichiga oladi. .Ular ariza topshirilgan kundan boshlab, 10 kun ichida taqdim etilishi lozim.
2-bosqich: ariza muvaffaqiyatli topshirilganidan so‘ng o‘quvchilar darhol ingliz tilidan onlayn testda qatnashishga taklif etiladi (72 soat ichida bajarilishi shart).
3-bosqich: so‘nggi bosqichda faqatgina yarim finalchilar ishtirok eta oladi. 3-bosqich 2021-yilning noyabr/dekabr oyida boshlanadi va intervyu, 3 ta esse mavzulari, anketa to‘ldirish va ingliz tili bo‘yicha chuqurlashtirilgan testni o‘z ichiga oladi. Mazkur bosqichga o‘tgan ishtirokchilar o‘z mamlakatlaridagi Amerika Kengashlari ofisiga taklif qilinadilar.
Amerika Kengashlari bilan bog‘lanish:
American Councils for International Education Uzbekistan
Email: flex.uz@americancouncils.org
Telegram: ACCELS
Facebook: AmericanCouncilsUzbekistan
Instagram: www.instagram.com/americancouncils.uz
Website: Discoverflex.org
Ariza topshirish bo‘yicha ko‘rsatmalar quyidagi manzilda: ACCELS
Savol va javoblar: ACCELS
Dastur risolasi: FLEX Program Brochure
Reklama huquqi asosida.
Izoh (0)