Future Leaders Exchange яъни FLEX (келажак лидерлари алмашинуви) — нотижорат маданий алмашинув дастури бўлиб, у ўрта мактабнинг юқори синфларида таҳсил олаётган ўқувчилар учун мўлжалланган. Дастур Ўзбекистон ўқувчиларига АҚШ мактабларида бир йил давомида бепул таълим олиш имкониятини тақдим этади.
FLEX дастури АҚШ Давлат департаментининг Таълим ва маданият ишлари бюросининг маданий алмашинув лойиҳаси ҳисобланади. Дастурни молиялаштириш АҚШ ҳукумати томонидан, Ўзбекистон ҳудудидаги фаолиятини мувофиқлаштириш эса Халқаро таълим бўйича Америка Кенгашлари: ACTR / ACCELS (American Councils) томонидан Ўзбекистон Республикаси Халқ таълими вазирлиги кўмагида амалга оширилади. Дастурнинг асосий мақсади АҚШ фуқаролари ва бошқа халқлар ҳамда мамлакатлар ўртасидаги узоқ муддатли муносабатларни ривожлантириш ва мустаҳкамлашдан иборат.
28 йиллик фаолият давомида 29 мингдан ортиқ ўқувчилар FLEX дастурининг иштирокчисига айланган. 2021 йилнинг ёзида ўзбекистонлик 37 ўқувчи FLEX дастури бўйича АҚШда ўқиш учун жўнаб кетди.
2022—2023 ўқув йили учун аризаларни қабул қилиш 13 сентябрдан бошланган бўлиб, жорий йилнинг 15 октябрига қадар давом этади.
Аризалар http://ais.americancouncils.org/flex сайти орқали қабул қилинади.
FLEX дастурида иштирок этиш барча учун очиқ ва мутлақо бепул, лекин иштирокчилар белгиланган мезонларга мос келишлари ва танловдан ўтишлари лозим. Танловда имконияти чекланган ўқувчилар ҳам иштирок этишлари мумкин. Ҳар йили 20 га яқин имконияти чекланган ўқувчи FLEX дастурининг ғолибига айланади. Иштирокчи танлов давомида фақат бир марта ариза топшириши мумкин. Бир йилда икки марта ариза топшириш мумкин эмас.
Дастурда иштирок этиш учун ўқувчи қуйида келтирилган мезонларга мос келиши лозим.
1. Иштирокчининг ёши ва таълим олаётган синфи танлов талабларига мос келиши керак. Номзодлар 2005 йил 1 январдан 2007 йил 15 июлгача туғилган бўлиши ва ўрта таълим мактабининг 9, 10, 11-синфларида ёки 9-синфни тамомлагандан сўнг лицей/коллежнинг 1 ёки 2-босқичида таълим олаётган бўлиши лозим;
2. Ўзбекистон ҳудудидаги ўрта таълим мактаби, коллеж ёки лицейга қабул қилинган бўлиши, шунингдек, ариза топширилаётган вақтда дарсларга қатнашаётган бўлиши лозим;
3. Фақатгина яхши ва аъло баҳоларга ўқиши;
4. Инглиз тилини аввалдан яхши даражада ўзлаштирган бўлиши ва танлов доирасида эгаллаган билимларини кўрсатиб бера олиши;
5. Америка визаси талабларига мос келиши;
6. Ўзбекистон фуқаролигига эга бўлиши.
FLEX дастури бўйича танлов учта қатъий синов бошқичларини ўз ичига олади.
1-босқич: 2021 йил 13 сентябрдан 15 октябргача, очиқ шаклда ўтказилади. Ушбу босқич дастлабки онлайн ариза ва 3 та эссе саволларини ўз ичига олади. .Улар ариза топширилган кундан бошлаб, 10 кун ичида тақдим этилиши лозим.
2-босқич: ариза муваффақиятли топширилганидан сўнг ўқувчилар дарҳол инглиз тилидан онлайн тестда қатнашишга таклиф этилади (72 соат ичида бажарилиши шарт).
3-босқич: сўнгги босқичда фақатгина ярим финалчилар иштирок эта олади. 3-босқич 2021 йилнинг ноябрь/декабрь ойида бошланади ва интервью, 3 та эссе мавзулари, анкета тўлдириш ва инглиз тили бўйича чуқурлаштирилган тестни ўз ичига олади. Мазкур босқичга ўтган иштирокчилар ўз мамлакатларидаги Америка Кенгашлари офисига таклиф қилинадилар.
Америка Кенгашлари билан боғланиш:
American Councils for International Education Uzbekistan
Email: flex.uz@americancouncils.org
Telegram: ACCELS
Facebook: AmericanCouncilsUzbekistan
Instagram: www.instagram.com/americancouncils.uz
Website: Discoverflex.org
Ариза топшириш бўйича кўрсатмалар қуйидаги манзилда: ACCELS
Савол ва жавоблар: ACCELS
Дастур рисоласи: FLEX Program Brochure
Реклама ҳуқуқи асосида.
Изоҳ (0)