22-sentabr kuni Toshkent shahrida “Tungi velosayr” festivali o‘tkaziladi. Bu haqda poytaxt hokimligi matbuot xizmati xabar berdi.
Vazirlar Mahkamasining “Aholining sog‘lom turmush tarzini qo‘llab-quvvatlash va jismoniy faolligini oshirishga doir qo‘shimcha chora-tadbirlar to‘g‘risida”gi qaroriga ko‘ra, O‘zbekistonda 2021-yildan boshlab 22-sentabr – Avtomobilsiz kun deb e’lon qilingan. Shu munosabati bilan “Tungi velosayr” festivali o‘tkaziladi.
Sayr 22-sentabr kuni soat 20:00 da Toshkentdagi Mahtumquli va Mirzo Ulug‘bek ko‘chalari kesishmasidan boshlanib, “Yangi O‘zbekiston” bog‘igacha davom etadi.
Velosayr paytida avtomobillar qatnovi to‘liq to‘xtatilmaydi.
Ushbu tadbirda barcha velosport ishqibozlari – professionallar va havaskorlar ishtirok etishlari mumkin.
Avvalroq O‘zbekistondagi rahbarlarga haftada kamida bir marta ishga xizmat avtomobilisiz kelib-ketishi tavsiya etilgani hamda 2021-yil iyuldan boshlab vazir va hokimlarning semizlik darajasini onlayn kuzatib borish tizimi yo‘lga qo‘yilishi haqida xabar berilgandi.
Izoh (0)