22 сентябрь куни Тошкент шаҳрида «Тунги велосайр» фестивали ўтказилади. Бу ҳақда пойтахт ҳокимлиги матбуот хизмати хабар берди.
Вазирлар Маҳкамасининг «Аҳолининг соғлом турмуш тарзини қўллаб-қувватлаш ва жисмоний фаоллигини оширишга доир қўшимча чора-тадбирлар тўғрисида»ги қарорига кўра, Ўзбекистонда 2021 йилдан бошлаб 22 сентябрь – Автомобильсиз кун деб эълон қилинган. Шу муносабати билан «Тунги велосайр» фестивали ўтказилади.
Сайр 22 сентябрь куни соат 20:00 да Тошкентдаги Маҳтумқули ва Мирзо Улуғбек кўчалари кесишмасидан бошланиб, «Янги Ўзбекистон» боғигача давом этади.
Велосайр пайтида автомобиллар қатнови тўлиқ тўхтатилмайди.
Ушбу тадбирда барча велоспорт ишқибозлари – профессионаллар ва ҳаваскорлар иштирок этишлари мумкин.
Аввалроқ Ўзбекистондаги раҳбарларга ҳафтада камида бир марта ишга хизмат автомобилисиз келиб-кетиши тавсия этилгани ҳамда 2021 йил июлдан бошлаб вазир ва ҳокимларнинг семизлик даражасини онлайн кузатиб бориш тизими йўлга қўйилиши ҳақида хабар берилганди.
Изоҳ (0)