Navoiy viloyatining Karmana tumanida o‘z farzandini sotmoqchi bo‘lgan ota-ona ushlandi, deb xabar bermoqda “Zamon.uz”.
Qayd etilishicha, Navoiy viloyati IIB terrorizm va ekstremizmga qarshi kurashish bo‘limi, jinoyat qidiruv bo‘limi hamda Departamentning Karmana tumani bo‘limi xodimlari o‘zaro hamkorlikda Samarqand viloyati Narpay tumanida yashovchi fuqaro va uning ayoli 2020-yil 4-iyulda tug‘ilgan o‘g‘lini sotish niyatida yurgani to‘g‘risida olingan ma’lumotga asosan tezkor tadbir o‘tkazgan.
Tadbir davomida gumonlanuvchi oila farzandini “shartli xaridor”ga Karmana tumani “Talqoq” MFY hududida 50 million so‘mga sotgan vaqtida ushlangan.
Xabarda aytilishcha, ayni paytda mazkur holat yuzasidan Jinoyat kodeksining 135-moddasi (odam savdosi) bo‘yicha jinoyat ishi qo‘zg‘atilib, tergov-surishtiruv ishlari olib borilmoqda.
Mavzuga doir:
- Buxoroda bolasini 8 million so‘mga sotmoqchi bo‘lgan ayol va uning onasiga sud hukmi o‘qildi
- Samarqandda 17 kunlik qizini 4 ming dollarga sotishga uringan ayol qo‘lga olindi
- Toshkentda 8 oylik bolasini 7 ming dollarga sotmoqchi bo‘lgan ona va uning dugonasiga hukm o‘qildi
- Farg‘onada besh yoshli o‘g‘lini 5 ming dollarga sotishga uringan ayol qo‘lga olindi (video)
Izoh (0)