Навоий вилоятининг Кармана туманида ўз фарзандини сотмоқчи бўлган ота-она ушланди, деб хабар бермоқда «Zamon.uz».
Қайд этилишича, Навоий вилояти ИИБ терроризм ва экстремизмга қарши курашиш бўлими, жиноят қидирув бўлими ҳамда Департаментнинг Кармана тумани бўлими ходимлари ўзаро ҳамкорликда Самарқанд вилояти Нарпай туманида яшовчи фуқаро ва унинг аёли 2020 йил 4 июлда туғилган ўғлини сотиш ниятида юргани тўғрисида олинган маълумотга асосан тезкор тадбир ўтказган.
Тадбир давомида гумонланувчи оила фарзандини «шартли харидор»га Кармана тумани «Талқоқ» МФЙ ҳудудида 50 миллион сўмга сотган вақтида ушланган.
Хабарда айтилишча, айни пайтда мазкур ҳолат юзасидан Жиноят кодексининг 135-моддаси (одам савдоси) бўйича жиноят иши қўзғатилиб, тергов-суриштирув ишлари олиб борилмоқда.
Мавзуга доир:
- Бухорода боласини 8 миллион сўмга сотмоқчи бўлган аёл ва унинг онасига суд ҳукми ўқилди
- Самарқандда 17 кунлик қизини 4 минг долларга сотишга уринган аёл қўлга олинди
- Тошкентда 8 ойлик боласини 7 минг долларга сотмоқчи бўлган она ва унинг дугонасига ҳукм ўқилди
- Фарғонада беш ёшли ўғлини 5 минг долларга сотишга уринган аёл қўлга олинди (видео)
Изоҳ (0)