Yerevan sudi Armanistonning sobiq prezidenti Robert Kocharyanga respublikani tark etishga va Rossiyaga tashrif buyurishga ruxsat bermadi. Bu haqda “Interfaks” xabar berdi.
“Birinchi instansiya sudi Robert Kocharyanning ketishiga ruxsat bermadi, biz tashrifni bekor qilishga majburmiz. Sudda rad etish uchun qonuniy asos yo‘q edi. Prezident Kocharyan bir necha bor Moskvaga tashrif buyurgan va hech qanday muammo aniqlanmagan”, — deyiladi Kocharyan boshchiligidagi “Armeniya” bloki bayonotida.
Blokning fikricha, Armaniston hukumati Kocharyanga bosim o‘tkazib, uning “siyosiy faoliyatni cheklamoqchi”. Avvalroq Kocharyan bloki “Yagona Rossiya” partiyasidan Moskvaga tashrif buyurish haqida taklif olganini e’lon qilgandi.
Aprel oyida Yerevan sudi Armanistonning sobiq prezidenti Robert Kocharyan, sobiq mudofaa vaziri Seyran Oganyan, bosh shtab boshlig‘i, KXShT sobiq bosh kotibi Yuriy Xachaturov, prezident devoni rahbari, sobiq bosh vazir o‘rinbosari Armen Gevorkyanga qarshi “konstitutsiyaviy tuzumni ag‘darish” moddasi bo‘yicha olib borilayotgan jinoiy ishni to‘xtatgandi.
Shu bilan birga, sud Kocharyan va Gevorkyanga nisbatan pora olish moddasi bo‘yicha jinoyat ishini ko‘rib chiqishda davom etmoqda. Tadbirkor Silva Ambarzumyan Kocharyanni 2008-yilda 3 million dollar miqdorida pora olganlikda ayblagan.
Izoh (0)