“Nemolchi.uz” internet-manbasida uch nafar ayollarga shilqimlik qilgan taksi haydovchisiga nisbatan huquqni muhofaza qiluvchi organlar tomonidan chora ko‘rilmayotgani haqida xabar e’lon qilindi. Mazkur holat bo‘yicha Toshkent shahar IIBB ma’lumot berdi.
Ma’lum bo‘lishicha, Matiz rusumli avtomobil (davlat raqami 10 Y 518 SA) haydovchisi – J.T. tomonidan huquqbuzarlik sodir etilgani to‘g‘risida Toshkent shahar IIBBga ariza kelib tushmagan.
Idora xodimlari yuqoridagi e’lon muallifi bilan bog‘lanib, jabrlanuvchilar haqida ma’lumot olgandan so‘ng, ayollarga yozma ravishda ichki ishlar organlariga murojaat qilish zarurligi tushuntirildi.
Qayd etilishicha, 2021-yil 17-sentabr kuni ikki nafar jabrlanuvchilar – E.M. va T.Y. Mirobod tumani IIO FMBga murojaat qilgan. Uchinchi qiz – M.S. ham yaqin orada ariza yozishga tayyorligini bildirdi.
Mazkur holat bo‘yicha tergov oldi tekshiruvlari olib borilmoqda.
Mavzuga doir:
- Moskva viloyatidagi qishloqda 67 yoshli ayol o‘ldirib ketilgach, aholi namoyishga chiqdi. Jinoyatda tojikistonlik muhojirlar ayblanmoqda (video)
- Namangandagi kafeda ofitsiant qizga shilqimlik qilgan shaxslar va ularga qarshilik qilgan fuqarolar janjallashdi. Bir kishi pichoqlandi
- Toshkentda taksi haydovchisi yo‘lovchi qizning yuziga musht tushirdi. Holat bo‘yicha IIBB ma’lumot berdi
Izoh (0)