Sho‘rva, palov va tepsi kabob — Turkiyaning mazasi og‘izda qoladigan mashhur taomlari retsepti

Donar, kofte, meze, borek, baklava — bularning barchasi Turkiyaning milliy taomlari hisoblanadi. Quyida uyda osongina pishirish mumkin bo‘lgan mashhur va mazali turk taomlari retsepti bilan bo‘lishamiz.

Sho‘rva

Turkiyada uch yuzdan oshiq sho‘rva turi bor. Sho‘rva nafaqat tushlikka, balki nonushta va kechki ovqatga ham tayyorlanishi mumkin. Istanbulda mehmonlar dasturxoniga ham avval sho‘rva tortiladi.

Kerakli mahsulotlar: 

• qizil yasmiq — 450 gr;
• sabzi — 1 dona;
• piyoz — 1 dona;
• mol go'shti qovurg‘alari — 350 gr;
• pomidor — 3 dona;
• qalampir, tuz;
• lavr bargi, qizil qalampir — har biri 2/3 osh qoshiq;
• o‘simlik moyi.

1. Qovurg‘alarni qaynatishga qo‘ying, tuz va lavr bargini soling.
2. Go‘sht suyaklardan oson ajralguncha qovurg‘alarni pishiring.
3. Piyozni maydalangan sabzi bilan tovada qovuring. Bo‘laklangan pomidorlarni ham qo‘shib qovuring. Pomidorlar quyuq holga kelguncha pishiring.
4. Qovurg‘alarni suvdan oling. Yasmiqlarni yuvib, bulyonga soling. Qizil qalampirni ham qo‘shing.
5. Yasmiq qaynab chiqqach, yana 15 daqiqa davomida pishiring.
6. Qovurilgan mahsulotlarni qozondagi bulyonga qo‘shib, qaynating.
7. Go‘shtni qovurg‘alardan ajratib, maydalab oling. Sho‘rvaga soling va aralashtiring. Yana 10 daqiqa pishiring.

Turkiyadagi har qanday kafe yoki restoranda mazkur palovdan yeb ko‘rish mumkin. Agar guruchni yoqtirmasangiz, bu taomni tatib ko‘rgach, albatta, “guruchxo‘r”ga aylanasiz.

Kerakli mahsulotlar:

• guruch — 1 stakan;
• suv;
• vermishel — 6 osh qoshiq;
• tuz;
• sariyog‘.

1. Sariyog‘ni chuqur idishda eritib, vermishelni qovuring, vaqti-vaqti bilan aralashtirib, jigarrang bo‘lguncha pishiring.
2. So‘ngra yuvilgan guruch qo‘shib, aralashtiring va 3-4 daqiqa davomida qovuring.
3. Guruch ustidan qaynab turgan suv quying, guruchni qoplar-qoplamas darajada bo‘lsin.
4. Guruchning suvi tortilgach, aralashtiring va tuz qo‘shing. Guruch ustini tekislang.
5. Keyin guruchga folga qo‘yib, ustiga qopqoq yoping. Guruchni yana 15 daqiqaga qoldiring.
6. Palovni dasturxonga tortishdan avval piyolaga solib, shakl berish mumkin.

Hamma kabob nima ekanligini yaxshi biladi, ammo ko‘pchilik “tepsi” so‘zi nimani anglatishini bilmaydi. “Tepsi” turkchadan “tovoq” degan ma’noni anglatadi. Taxmin qilganingizdek, ushbu kabob tovoq yoki chuqur idishda pishiriladi. Taom mazali, achchiq, ishtaha ochadigan, juda kam mehnat sarfini talab qiladi — shunchaki hamma narsani idishga solish kerak, qolgani olovning ishi.

Kerakli mahsulotlar:

• mol go‘shtidan qiyma — 500 gr;
• shirin qizil paprika — 1 dona;
• chili qalampiri — 2 dona;
• shalot piyozi — 50 gr;
• sarimsoq — 3 bo‘lak;
• petrushka — 1/2 bog‘;
• tuz — 1 osh qoshiq;
• maydalangan murch.

• tomat pastasi — 2 osh qoshiq;
• zaytun moyi — 1,5 osh qoshiq;
• suv — 1 osh qoshiq.

• shirin sariq paprika — 1/2 dona;
• cherri pomidorlari — 10 dona;
• petrushka.

1. Piyoz, sarimsoq, chili va bulg‘or qalampirini tozalab, barchasini blenderda maydalaymiz. Hammasini pichoqda ham maydalash mumkin, lekin blenderda tezroq va qulayroq.
2. Maydalangan sabzavotlarni qiymaga qo‘shib, tuz, murch va qalampir solib, yaxshilab aralashtiring.
3. 1 osh qoshiq tomat pastasini zaytun moyi bilan aralashtirib, aralashma bilan taom pishiriladigan idishni yog‘lang.
4. Qiymani qolipga solib, yuzasini tekislang. Uning balandligi taxminan 2 sm bo‘lishi kerak.
5. Qolgan tomat pastasini suv bilan aralashtiring, ustiga surting va taomni pichoq bilan 8 ta teng bo‘lakka bo‘ling.
6. Har bir bo‘lakka sariq qalampir surtib, cherri pomidorlarini qo‘ying va 200 darajali qizdirilgan pechga 45 daqiqaga qo‘ying.
7. Tayyor bo‘lishidan 5 daqiqa oldin kabobni ozgina qizartirishingiz mumkin, ya’ni uni pechdan chiqarib, o‘zidan chiqqan sharbatini to‘kib tashlang va panjara ostiga qo‘ying.
8. Tayyor bo‘lgan taomni pechdan chiqarib, bo‘laklarga bo‘ling, ustini maydalangan petrushka bilan bezang va dasturxonga torting.