Дунё ва ўзбек спортига оид 7 сентябрь кунининг энг муҳим хабарлари дайжести билан танишинг.
Ўзбекистон
Россиянинг Қозон шаҳрида МДҲ ўйинлари бўлиб ўтмоқда. 7 сентябрь кунги мусобақаларда ўзбекистонлик самбочилар умумий ҳисобда 12 та медалга эга чиқди.Шу тариқа Ўзбекистон делегациясининг мусобақадаги медаллари сони 57 тага (16 та олтин, 23 та кумуш ва 18 та бронза) етди. Ўзбекистон умумий рўйхатда мезбон Россиядан кейин иккинчи поғонани банд этиб турибди.
Профессионал футбол лигаси Суперлиганинг август ойидаги энг яхшиларини аниқлади.
«Бунёдкор» бош мураббийи Шуҳрат Мақсудов (3 ўйин, 2 ғалаба, 1 дуранг) ойнинг энг яхши мураббийи деб топилган бўлса, жамоа ярим ҳимоячиси Фаррух Икромов (3 ўйин, 3 гол, 1 ассист) август ойида тенгсиз бўлди.
Ойнинг энг чиройли голи соврини эса «Турон» ҳужумчиси Билолхон Тошмирзаевга насиб этди.Жаҳон
Ҳужумчи Криштиану Роналду «Манчестер Юнайтед»га қайтганидан сўнг клуб сафидаги илк машғулотини ўтказди ва жамоа бош мураббийи Оле-Гуннар Сульшер билан учрашди.
Қайд этиш керак, 36 ёшли португалиялик футболчи ЖЧ—2022 саралаш босқичида Озарбайжонга қарши ўйин олдидан дисквалификация қилингани учун терма жамоа лагерини эрта тарк этган ва Манчестерга қайтганди.
ФИФА клублар 2021 йил ёзги трансфер ойнасида қанча пул сарфлаганини эълон қилди.
Қайд этилишича, 2021 йилнинг июнидан августгача умумий ҳисобда 7481 та трансфер амалга оширилди. Ўтган йили эса бу кўрсаткич 7771 тани ташкил қилган. Трансферлар учун 3,72 миллиард доллар сарфланган. Бу 2020 йилга (4,02 млрд) нисбатан 7,5 фоизга камроқ деганидир.
Ташкилот клубларнинг ёзги трансферлар ойнасидаги даромад ва харажатлари ҳақида ҳам маълумот берди.
1. Англия – 1,147 млрд доллар;
2. Италия – 473,8 млн доллар;
3. Франция – 428,9 млн доллар;
4. Германия – 337,9 млн доллар;
5. Испания – 325,4 млн доллар;
6. Бельгия – 120,7 млн доллар;
7. Россия – 84,9 млн доллар;
8. Португалия – 75,4 млн доллар;
9. Туркия – 73,3 млн доллар;
10. Нидерландия – 53,6 млн доллар.
1. Германия – 462,7 млн доллар;
2. Франция – 457,3 млн доллар;
3. Англия – 409,8 млн доллар;
4. Италия – 408,2 млн доллар;
5. Испания – 260,2 млн доллар;
6. Нидерландия – 196 млн доллар;
7. Бразилия – 173 млн доллар;
8. Бельгия – 151,2 млн доллар;
9. Португалия – 135,9 млн доллар;
10. Дания – 113,3 млн доллар.
Аввалроқ унинг соғлиғи ёмонлашгани ва бир неча кундан касалхонада эканлиги ҳақида хабарлар тарқалганди.
Аргентина терма жамоаси Бразилияга қарши ўйинда карантин қоидаларини бузган 4 нафар футболчисини клуб тасарруфига қайтарилганини маълум қилди.
Эмилиано Мартинес, Эмилиано Буэндиа (иккалиси ҳам «Астон Вилла»), Джовани Ло Чельсо ва Кристиан Ромеро (иккаласи ҳам «Тоттенҳэм») Англияга жўнатилган.
Эслатиб ўтамиз, аввалроқ тўрт футболчи карантин қоидаларини бузганликда айбланганди, бу эса ЖЧ—2022 саралашидаги Бразилия ва Аргентина ўртасидаги ўйиннинг тўхталишига сабаб бўлганди.
Бразилия соғлиқни назорат қилиш ташкилоти (Анвиса) қарорига кўра мамлакатда Буюк Британиядан келган фуқаролар учун 14 кунлик карантин жорий қилинган. Анвисаънинг қайд этишича, юқорида исмлари келтирилган футболчилар ҳукуматни Буюк Британияга яқин орада бормагани ҳақидаги сохта ҳужжат билан алдашга уринган. Шу сабаб ташкилот уларни мамлакатдан депорт қилиб юбормоқчи бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)