Hyundai kompaniyasi ixcham Casper krossoverini taqdim etib, bir vaqtning o‘zida Janubiy Koreyada oldindan buyurtmalar qabul qilishni boshladi. Kia Soul’ni yodga soluvchi mitti xetchbek ikki xil dvigatel, yorqin dizaynda taklif etiladi, deb xabar beradi Motor.
Qayd etish joizki, Casper — bu 1995-yilda taqdim etilgan filmdagi mehribon arvoh nomi emas, balki amerikalik proskeyter Bobbi “Kasper” Boyden tomonidan 1970-yillarda o‘ylab topilgan skeytbordaggi tryuk hisoblanadi. Kompaniyadagilarning so‘zlariga ko‘ra, krossover sanoatga yangilik olib kirishi, xaridorlarni stereotiplar va “yangi sinfni shakllantirish”dan xalos etishi kerak.
Mashina o‘lchamlari — 3595 x 1595 x 1575 millimetrni tashkil etadi. Dvigateli ikkita: 1.0 MPI va 1.0 T-GDI. Ta’kidlanishicha, bu i10 xetchbekiga o‘rnatilgan Karra II oilasiga kiruvchi agregat bo‘lib, ular mos ravishda 67 va 100 ot kuchini taqdim etadi. Uzatmalar qutisi mexanika yoki avtomat bo‘lishi mumkin. Mish-mishlarga ko‘ra, ikki tepkili Casper’ga to‘rt diapazonli transmissiya o‘rnatiladi.
Krossoverning e’lon qilingan suratlarida, shuningdek, ikki xil dizaynga ega old qismlarni ko‘rish mumkin. Qizil rangli avtomobil atmosfera motori bilan jihozlangan bo‘lsa, botqoq rangli versiyaga — turbodvigatel o‘rnatiladi. Janubiy Koreyada model uchun oldindan buyurtmalar sentabr oyidan boshlanadi.
Avvalroq The Korean Carblog nashri yangi Hyundai Casper modeliga o‘rnatiladigan dvigatellarga oid ma’lumotlar bilan bo‘lishgandi.
Izoh (0)