Hyundai компанияси ихчам Casper кроссоверини тақдим этиб, бир вақтнинг ўзида Жанубий Кореяда олдиндан буюртмалар қабул қилишни бошлади. Kia Soul’ни ёдга солувчи митти хетчбек икки хил двигатель, ёрқин дизайнда таклиф этилади, деб хабар беради Motor.
Қайд этиш жоизки, Casper — бу 1995 йилда тақдим этилган фильмдаги меҳрибон арвоҳ номи эмас, балки америкалик проскейтер Бобби «Каспер» Бойден томонидан 1970 йилларда ўйлаб топилган скейтбордагги трюк ҳисобланади. Компаниядагиларнинг сўзларига кўра, кроссовер саноатга янгилик олиб кириши, харидорларни стереотиплар ва «янги синфни шакллантириш»дан халос этиши керак.
Машина ўлчамлари — 3595 х 1595 х 1575 миллиметрни ташкил этади. Двигательи иккита: 1.0 MPI ва 1.0 Т-GDI. Таъкидланишича, бу и10 хетчбекига ўрнатилган Каrrа II оиласига кирувчи агрегат бўлиб, улар мос равишда 67 ва 100 от кучини тақдим этади. Узатмалар қутиси механика ёки автомат бўлиши мумкин. Миш-мишларга кўра, икки тепкили Casper’га тўрт диапазонли трансмиссия ўрнатилади.
Кроссовернинг эълон қилинган суратларида, шунингдек, икки хил дизайнга эга олд қисмларни кўриш мумкин. Қизил рангли автомобиль атмосфера мотори билан жиҳозланган бўлса, ботқоқ рангли версияга — турбодвигатель ўрнатилади. Жанубий Кореяда модель учун олдиндан буюртмалар сентябрь ойидан бошланади.
Аввалроқ The Korean Cаrblog нашри янги Hyundai Casper моделига ўрнатиладиган двигателларга оид маълумотлар билан бўлишганди.
Изоҳ (0)