“Disko raqqosi”, “Zita va Gita”, “Qasos va qonun” — ushbu hind filmlari aktyorlarga dunyo miqyosida mashhurlik olib kelgan. Ular chiroyli, yosh va muvaffaqiyatli bo‘lishiga qaramay, sahna ortida ko‘p qiyinchiliklarga duch kelgan.
Amitabh Bachchan, 78 yoshda
Nafaqat kino aktyori, balki siyosatchi, prodyuser va teleboshlovchi ham. Uchta Milliy film va 11 ta Filmfare mukofoti sovrindori. Hindistonning eng yuqori fuqarolik mukofotlari bilan taqdirlangan. “Qasos va qonun” Amitabh uchun omadli filmga aylandi, lekin uning ishtirokidagi boshqa filmlar ham juda mashhur edi. U hali ham suratga tushmoqda! Shuningdek, uning o‘g‘li Ayshvariya Rayga uylangan. Amitabhning o‘zi esa yulduzlar sulolasining ajdodiga aylandi.
Mitxun Chakraborti, 71 yoshda
Tan olish kerak, ko‘pchilik bolaligida bu filmni tomosha qilgan. 1982-yilda “Disko raqqosi” filmi chiqdi va Chakraborti tom ma’noda mashhur bo‘lib uyg‘ondi. Film klassikaga aylandi va Jimmi nomi hamma joyda jarang sochdi. Aktyor faoliyati davomida 350 ta filmda rol o‘ynagan! U mashhurligiga qaramay, umr bo‘yi rafiqasi Yogita Baliga sodiq qoldi. Aktyor hanuzgacha filmlarda bir-biridan ajoyib rollarni ijro etmoqda.
Rekha, 66 yoshda
Rekha birinchi rolini 12 yoshida ijro etgan. U aktrisa bo‘lish uchun maktabni tashlab ketgan, chunki suratga tushish ishlari ko‘pligidan darslarni qoldira boshlagan, natijada unga o‘qishga ruxsat berilmagan. Bo‘lajak yulduzning oilasi esa pulga juda muhtoj edi. Rekha kino olamida o‘z o‘rniga ega bo‘lgan vaqtlarda Amitabh Bachchan bilan munosabatlaro jiddiylashdi. Lekin aktyor Amitabh uylangan edi, ularning ishqiy munosabati Bollivudning haqiqiy hayotidagi shousiga aylandi. Juftlik haqidagi ma'lumotlar muntazam ravishda yangiliklarda paydo bo‘lar, gazeta va jurnallar tafsilotlarni xush ko‘rar edi. Ba’zilar yaqin orada ikki yulduzning to‘yini orzu qilar, boshqalari Amitabhni xiyonatda ayblardi. 1982-yilda Bachchan sahnada jiddiy jarohat oldi va bir necha hafta komada yotdi, shundan so‘ng Rekha bilan bo‘lgan aloqani uzdi va nihoyat oilasiga qaytdi. Rekha hozirda ham yolg‘iz, Mumbayda singlisi va jiyani bilan yashaydi va vaqti-vaqti bilan filmlarda suratga tushadi.
Dharmendra, 85 yoshda
Dharmendra 19 yoshida oila qurgan va uning ikki nafar farzandi bor: ularning ikkisi ham hozir Hindistonda mashhurlikka erishgan aktyorlardir. Biroq majburan baxtli bo‘lish qiyin va jamiyatning bosimiga qaramay, Dharmendra o‘z oilasini tashlab, butun hayotini o‘zgartirishga qaror qilgan. Shundan so‘ng Dharmendra “Zita va Gita” filmida suratga tushishga taklif qilindi. Suratga olish maydonchasida u Hema Malini bilan uchrashdi. Ular Bollivudda eng ajoyib juftligi edi. Ajralish, o‘zaro xiyonat va boshqa g‘iybatlar haqida ko‘plab mish-mishlarga qaramay, yulduzlar turmush qurib, Esha va Axana ismli qizlarning ota-onasiga aylandi. Hema va Dharmendra uzoq vaqtdan beri ekrandagi eng muvaffaqiyatli juftlik bo‘lgan. Va hatto 30 yil ichida ham hech bir juftlik ulardan ustun kela olmadi.
Hema Malini, 72 yoshda
Raqs – Hemaning birinchi muhabbati, unga ko‘ra, u bilan abadiy qoladi. Hatto filmlarda ham, u ijro etadigan raqslari boshqa aktrisalarnikiga qaraganda ancha qiyin. Aslida u kinoga ommaviy sahna ishtirokchisi sifatida kelgan, lekin rejissor uning iste’dodi, yuz ifodalarini yuqori baholagan va muhim rollarni o‘rganishni taklif qilgan. Hema Gita rolida o‘ynadi, shundan so‘ng butun Hindistonda istiqbolli va nihoyatda go‘zal qiz mashhur bo‘lib ketdi. Dharmendra bilan bo‘lgan munosabatlar hamma narsaga nuqta qo‘yishi mumkin edi: Hemaning oilasida norozilik bo‘ronini keltirib chiqardi. Ota doimiy ravishda qiziga potensial sovchilarning fotosuratlarini olib kelgan va ko‘rsatgan. Ikki taniqli aktyorlar Sanjiv Kumar va Jitendra ham Hemani yoqtirgan. Ammo Hema ikkalasini ham rad etdi. 1978-yilda Hemaning otasi to‘satdan yurak xurujidan vafot etdi va Hema turmushga chiqish qarori bo‘yicha Dharmendraning taklifini qabul qildi. So‘nggi yillarda Hema Malini va uning eri siyosat bilan shug‘ullanadi.
Izoh (0)