«Диско раққоси», «Зита ва Гита», «Қасос ва қонун» — ушбу ҳинд фильмлари актёрларга дунё миқёсида машҳурлик олиб келган. Улар чиройли, ёш ва муваффақиятли бўлишига қарамай, саҳна ортида кўп қийинчиликларга дуч келган.
Амитабҳ Баччан, 78 ёшда
Нафақат кино актёри, балки сиёсатчи, продюсер ва телебошловчи ҳам. Учта Миллий фильм ва 11 та Filmfare мукофоти совриндори. Ҳиндистоннинг энг юқори фуқаролик мукофотлари билан тақдирланган. «Қасос ва қонун» Амитабҳ учун омадли фильмга айланди, лекин унинг иштирокидаги бошқа фильмлар ҳам жуда машҳур эди. У ҳали ҳам суратга тушмоқда! Шунингдек, унинг ўғли Айшвария Райга уйланган. Амитабҳнинг ўзи эса юлдузлар сулоласининг аждодига айланди.
Митхун Чакраборти, 71 ёшда
Тан олиш керак, кўпчилик болалигида бу фильмни томоша қилган. 1982 йилда «Диско раққоси» фильми чиқди ва Чакраборти том маънода машҳур бўлиб уйғонди. Фильм классикага айланди ва Жимми номи ҳамма жойда жаранг сочди. Актёр фаолияти давомида 350 та фильмда роль ўйнаган! У машҳурлигига қарамай, умр бўйи рафиқаси Йогита Балига содиқ қолди. Актёр ҳанузгача фильмларда бир-биридан ажойиб ролларни ижро этмоқда.
Рекҳа, 66 ёшда
Рекҳа биринчи ролини 12 ёшида ижро этган. У актриса бўлиш учун мактабни ташлаб кетган, чунки суратга тушиш ишлари кўплигидан дарсларни қолдира бошлаган, натижада унга ўқишга рухсат берилмаган. Бўлажак юлдузнинг оиласи эса пулга жуда муҳтож эди. Рекҳа кино оламида ўз ўрнига эга бўлган вақтларда Амитабҳ Баччан билан муносабатларо жиддийлашди. Лекин актёр Амитабҳ уйланган эди, уларнинг ишқий муносабати Болливуднинг ҳақиқий ҳаётидаги шоусига айланди. Жуфтлик ҳақидаги маълумотлар мунтазам равишда янгиликларда пайдо бўлар, газета ва журналлар тафсилотларни хуш кўрар эди. Баъзилар яқин орада икки юлдузнинг тўйини орзу қилар, бошқалари Амитабҳни хиёнатда айбларди. 1982 йилда Баччан саҳнада жиддий жароҳат олди ва бир неча ҳафта комада ётди, шундан сўнг Рекҳа билан бўлган алоқани узди ва ниҳоят оиласига қайтди. Рекҳа ҳозирда ҳам ёлғиз, Мумбайда синглиси ва жияни билан яшайди ва вақти-вақти билан фильмларда суратга тушади.
Дҳармендра, 85 ёшда
Дҳармендра 19 ёшида оила қурган ва унинг икки нафар фарзанди бор: уларнинг иккиси ҳам ҳозир Ҳиндистонда машҳурликка эришган актёрлардир. Бироқ мажбуран бахтли бўлиш қийин ва жамиятнинг босимига қарамай, Дҳармендра ўз оиласини ташлаб, бутун ҳаётини ўзгартиришга қарор қилган. Шундан сўнг Дҳармендра «Зита ва Гита» фильмида суратга тушишга таклиф қилинди. Суратга олиш майдончасида у Ҳема Малини билан учрашди. Улар Болливудда энг ажойиб жуфтлиги эди. Ажралиш, ўзаро хиёнат ва бошқа ғийбатлар ҳақида кўплаб миш-мишларга қарамай, юлдузлар турмуш қуриб, Эша ва Ахана исмли қизларнинг ота-онасига айланди. Ҳема ва Дҳармендра узоқ вақтдан бери экрандаги энг муваффақиятли жуфтлик бўлган. Ва ҳатто 30 йил ичида ҳам ҳеч бир жуфтлик улардан устун кела олмади.
Ҳема Малини, 72 ёшда
Рақс – Ҳеманинг биринчи муҳаббати, унга кўра, у билан абадий қолади. Ҳатто фильмларда ҳам, у ижро этадиган рақслари бошқа актрисаларникига қараганда анча қийин. Аслида у кинога оммавий саҳна иштирокчиси сифатида келган, лекин режиссёр унинг истеъдоди, юз ифодаларини юқори баҳолаган ва муҳим ролларни ўрганишни таклиф қилган. Ҳема Гита ролида ўйнади, шундан сўнг бутун Ҳиндистонда истиқболли ва ниҳоятда гўзал қиз машҳур бўлиб кетди. Дҳармендра билан бўлган муносабатлар ҳамма нарсага нуқта қўйиши мумкин эди: Ҳеманинг оиласида норозилик бўронини келтириб чиқарди. Ота доимий равишда қизига потенциал совчиларнинг фотосуратларини олиб келган ва кўрсатган. Икки таниқли актёрлар Санжив Кумар ва Житендра ҳам Ҳемани ёқтирган. Аммо Ҳема иккаласини ҳам рад этди. 1978 йилда Ҳеманинг отаси тўсатдан юрак хуружидан вафот этди ва Ҳема турмушга чиқиш қарори бўйича Дҳармендранинг таклифини қабул қилди. Сўнгги йилларда Ҳема Малини ва унинг эри сиёсат билан шуғулланади.
Изоҳ (0)