Tokioda ishtirokini yakunlagan o‘zbekistonlik paralimpiyachilarni kutib olish munosabati bilan Toshkentda 6-sentabr kuni ayrim yo‘llarda transport harakati vaqtinchalik cheklanadi.
Poytaxt IIBB xabariga ko‘ra, shu kuni soat 18:00 dan 23:00 gacha:- Qumariq ko‘chasi Qumariq 7-tordan THAYgacha bo‘lgan oraliq 3-aeroport maydonigacha bo‘lgan qismi;
- Beshyog‘och ko‘chasi Furqat ko'chasidan Olmazor ko‘chasigacha bo‘lgan oraliq;
- Bobur, Nukus, Afrosiyob, Islom Karimov, Sharof Rashidov, Alisher Navoiy va Amir Temur xiyoboni oldi ko‘chalarida vaqtincha harakat cheklanadi.
Eslatib o‘tamiz, Toshkentda 9-avgust oqshomida Tokio—2020 sovrindorlari va ishtirokchilarini kutib olish marosimi bo‘lib o‘tgandi. Aeroportdagi badiiy dastur va qutlovlardan keyin sportchilar Milliy Olimpiya qo‘mitasiga yo‘l oldi. U yerda Olimpiada sovrindorlariga qator sovg‘alar topshirildi.
Izoh (0)