Rossiya Federatsiyasining Qozon shahrida I MDH o‘yinlari start oldi. Medallar jamlanmasi o‘ynalgan dastlabki kunda O‘zbekiston delegatsiyasi 4 ta medalga sazovor bo‘ldi.
E’tiborlisi, shohsupaga ko‘tarilgan barcha sportchilar yunon-rum kurashi vakillari bo‘ldi. Murodjon Alimjonov (-77 kg) va Muhammadqodir Rasulov (-82 kg) kumush medalga sazovor bo‘lgan bo‘lsa, Abror Otaboyev (-63 kg), Jamol Jumaboyev (-72 kg) bronza medalini qo‘lga kiritdi.
Qayd etish joiz, 4-sentabr, shanba kuni musobaqaning ochilish marosimi bo‘lib o‘tadi. O‘yinlar 11-sentabrga qadar davom etadi.
Izoh (0)