Google Afg‘oniston hukumati amaldorlarining elektron pochta hisoblariga kirishni vaqtincha to‘sib qo‘ydi.“Tolibon”ning shaxsiy ma’lumotlar va hujjatlardan foydalanishiga yo‘l qo‘ymaslik uchun shunday qilingan.
Google’ga tegishli Alphabet korporatsiyasining ma’lum qilishicha, akkauntlarni himoya qilish uchun vaqtinchalik choralar ko‘rilmoqda.
Agentlik ma’lumotlariga ko‘ra, Afg‘onistonning 20 ta davlat idorasi, jumladan, moliya, sanoat, oliy ta’lim vazirliklari, shuningdek, prezident bayonnomasi idorasining o‘z Google akkauntlari bo‘lgan. Rasmiylardan birining aytishicha, “Tolibon” Afg‘oniston hukumati sobiq amaldorlarining elektron pochta xabarlari yordamida shaxsiy ma’lumotlar va rasmiy yozishmalarga kirish imkoniyatini qo‘lga kiritish mumkin deb hisoblaydi.
Alphabet korporatsiyasi Afg‘oniston hukumati akkauntlarining bloklanganini tasdiqlamadi, lekin “ushbu hisoblarni himoya qilish uchun vaqtinchalik choralar ko‘rilayotganini” ma’lum qildi.
Avvalroq Facebook Afg‘onistondagi akkauntlar uchun do‘stlar ro‘yxatini ko‘rish funksiyasini o‘chirib qo‘ygandi.
Ijtimoiy tarmoq vakilining so‘zlariga ko‘ra, ushbu yangilik Facebook jamoasining “Tolibon” qo‘liga o‘tgan Afg‘oniston davlatidagi abonentlarning shaxsiy ma’lumotlari xavfsizligini yaxshilash bo‘yicha olib borgan bir haftalik mehnati natijasidir.
Bundan tashqari, Afg‘onistondagi foydalanuvchilar Facebook’dagi o‘z sahifalarini bir amal bilan bloklay oladi. Bunday akkaunt bilan do‘st bo‘lmagan akkauntlar uning profilidagi rasmlarni yuklay ham olmaydi, ulasha ham olmaydi, shuningdek, postlarni ko‘ra olmaydi.
Izoh (0)