Mashhur insonlarning hayratingizga sabab bo‘luvchi g‘alati odatlari (foto)

Mashhurlarning ideal qiyofalari ortida oddiy odamlardan farqi bo‘lmagan insonlar yashiringan. Hatto eng talabchan mashhurlarning ham birov eshitsa, hayron qoladigan odatlari haqida ma’lumot beramiz.

Devid Bekhem

Hatto bu kelishgan yigitning ham o‘ziga yarasha kamchiliklari bor. Sobiq futbolchi dahshatli darajada perfeksionist. Bu borada uning rafiqasiga achinish kerakdir, balki. Chunki Devidning talabiga ko‘ra uydagi har bir narsa juft-juft bo‘lishi kerak. Masalan, paypoqlar rangiga ko‘ra qat’iy tartibda qo‘yilishi lozim va muzlatkichdagi ichimliklar soni ham juft bo‘lishi shart.

Eminem

Rep qiroli bir tutam yorug‘likdan ham uyg‘onib ketadi. Uning o‘zi ham uxlashi uchun unga to‘liq zulmat va o‘lik sukunat kerakligini tan oladi. Ehtimol, reper quyosh nuriga dosh berolmaydigan vampirdir?

Ilon Mask

Mish-mishlarga ko‘ra, Tesla asoschisi aslida batareyaga ega bo‘lgan robotdir. Uning tonggi odatini bundan boshqa izoh bilan tushuntirib bo‘lmaydi: biznesmen har kuni 8 banka diet-kola va 2 stakan qahva ichadi.

Barak Obama

AQSh sobiq prezidentini boyqushga o‘xshatishadi. Uning miya faolligi yarim tundan keyin uyg‘onadi va tungi soat ikkida o‘z cho‘qqisiga chiqadi. Shuning uchun siyosatchi kechasi uxlamaydi, eng murakkab muammolarga ham yechim topadi.

Kameron Dias

Aftidan, Gollivud aktrisasi zamonamizning Vangasiga aylangan, chunki u pandemiya boshlanishidan ancha oldin o‘zini koronavirusdan himoya qila boshladi. Gap shundaki, superyulduz qo‘llarini mikroblardan himoya qilish uchun eshiklarni faqat tirsagi bilan ochadi.

Keti Perri

Omma oldida bo‘lganida qo‘shiqchi har doim 32 ta tishini ko‘rsatib, tabassum qiladi. Bunday gollivudcha tabassum uchun xonanda kuniga olti marta tishlarini yuvadi.

Megan Foks

Ma’lum bo‘lishicha, doimiy xizmat safarlari va son-sanoqsiz sayohatlarga chiqishiga qaramay, model parvozlardan qo‘rqadi va naushnigida Britni Spirs qo‘shiqlaridan birini eshitmaguncha samolyot bortida bemalol o‘tira olmaydi.

Peris Hilton

Numerologiyaga qiziquvchan superyulduz har doim aynan soat 11:11 da yuragi tubida saqlagan istagini aytadi. Bundan tashqari, u ko‘z tegmasligi uchun doimo daraxtni taqillatadi. Uni xurofotda ayblay olmaymiz, chunki hammamiz ham oldindan aytib bo‘lmaydigan zamonda yashayapmiz.