Машҳур инсонларнинг ҳайратингизга сабаб бўлувчи ғалати одатлари (фото)

Машҳурларнинг идеал қиёфалари ортида оддий одамлардан фарқи бўлмаган инсонлар яширинган. Ҳатто энг талабчан машҳурларнинг ҳам биров эшитса, ҳайрон қоладиган одатлари ҳақида маълумот берамиз.

Дэвид Бекҳэм

Ҳатто бу келишган йигитнинг ҳам ўзига яраша камчиликлари бор. Собиқ футболчи даҳшатли даражада перфекционист. Бу борада унинг рафиқасига ачиниш керакдир, балки. Чунки Дэвиднинг талабига кўра уйдаги ҳар бир нарса жуфт-жуфт бўлиши керак. Масалан, пайпоқлар рангига кўра қатъий тартибда қўйилиши лозим ва музлаткичдаги ичимликлар сони ҳам жуфт бўлиши шарт.

Эминем

Рэп қироли бир тутам ёруғликдан ҳам уйғониб кетади. Унинг ўзи ҳам ухлаши учун унга тўлиқ зулмат ва ўлик сукунат кераклигини тан олади. Эҳтимол, рэпер қуёш нурига дош беролмайдиган вампирдир?

Илон Маск

Миш-мишларга кўра, Tesla асосчиси аслида батареяга эга бўлган роботдир. Унинг тонгги одатини бундан бошқа изоҳ билан тушунтириб бўлмайди: бизнесмен ҳар куни 8 банка диэт-кола ва 2 стакан қаҳва ичади.

Барак Обама

АҚШ собиқ президентини бойқушга ўхшатишади. Унинг мия фаоллиги ярим тундан кейин уйғонади ва тунги соат иккида ўз чўққисига чиқади. Шунинг учун сиёсатчи кечаси ухламайди, энг мураккаб муаммоларга ҳам ечим топади.

Камерон Диас

Афтидан, Голливуд актрисаси замонамизнинг Вангасига айланган, чунки у пандемия бошланишидан анча олдин ўзини коронавирусдан ҳимоя қила бошлади. Гап шундаки, суперюлдуз қўлларини микроблардан ҳимоя қилиш учун эшикларни фақат тирсаги билан очади.

Кети Перри

Омма олдида бўлганида қўшиқчи ҳар доим 32 та тишини кўрсатиб, табассум қилади. Бундай голливудча табассум учун хонанда кунига олти марта тишларини ювади.

Меган Фокс

Маълум бўлишича, доимий хизмат сафарлари ва сон-саноқсиз саёҳатларга чиқишига қарамай, модель парвозлардан қўрқади ва наушнигида Бритни Спирс қўшиқларидан бирини эшитмагунча самолёт бортида бемалол ўтира олмайди.

Перис Ҳилтон

Нумерологияга қизиқувчан суперюлдуз ҳар доим айнан соат 11:11 да юраги тубида сақлаган истагини айтади. Бундан ташқари, у кўз тегмаслиги учун доимо дарахтни тақиллатади. Уни хурофотда айблай олмаймиз, чунки ҳаммамиз ҳам олдиндан айтиб бўлмайдиган замонда яшаяпмиз.