Toshkentda voyaga yetmaganlarga noqonuniy diniy ta’lim bergan yigit 15 sutkaga qamaldi

Toshkentning Yangihayot tumanida 20 yoshli yigit voyaga yetmagan bolalarga tegishli ruxsatsiz diniy ta’lim bergani aniqlandi.

Poytaxt IIBB xodimlari tomonidan olib borilgan profilaktik tadbirlar davomida 20 yoshli yigit M.Q. xususiy uylardan birida tegishli ruxsatsiz voyaga yetmaganlar uchun diniy adabiyotdan foydalangan holda dars o‘tgani aniqlangan. Voqea joyidan diniy adabiyot, DVD-disk va mobil telefonlar ashyoviy dalil sifatida olingan.

Holat yuzasidan Ma’muriy javobgarlik to‘g‘risidagi kodeksning 241-moddasiga (diniy ta’limotdan saboq berish tartibini buzish) ko‘ra hujjatlar to‘planib, sudga yuborilgan.

Sun unga nisbatan 15 sutka qamoq jazosi tayinlagan.