Jizzax shahrida bir ayolni zo‘rlab, uning telefoni va pullarini olib qo‘ygan shaxslar ushlandi, deb xabar beradi “Postda” nashri.
Ma’lum qilinishicha, shaharning “Sayiljoyi” mahallasida yashovchi N.X. ichki ishlar organlariga murojaat qilib, tungi soat 02:30 lar atrofida ko‘chada uni bir necha shaxs Nexia rusumli avtoulovga majburlab chiqarib olgani haqida ariza bilan murojaat qilgan.
Ayolning so‘zlariga ko‘ra, ushbu erkaklar uni “Obod” mahallasi hududida zo‘rlagan, shuningdek, sumkasida bo‘lgan uyali aloqa vositasi va 100 ming so‘m pulini olib qo‘ygan.
Holat yuzasidan jinoyat ishi qo‘zg‘atilib, o‘tkazilgan tezkor qidiruv tadbirlari natijasida mazkur jinoyatni Jizzax shahrining “Ko‘tarma” mahallasida yashovchi J.Sh., “Alisher Navoiy” mahallasida istiqomat qiluvchi D.N., “Toshloq” mahallasida yashovchi J.Yu. tomonidan sodir etilgani aniqlangan.
Ayblanuvchilar hibsga olingan. Holat yuzasidan jinoyat ishi qo‘zg‘atilgan.
Avvalroq Buxoroda 14 yoshli qizni zo‘rlab kelgan cho‘pon 3 yilga ozodlikdan mahrum qilingani, Toshkent viloyatida 21 yoshli qizni olib qochib ketib, uni nikohdan o‘tishga majburlagan shaxsga nisbatan jinoiy ish qo‘zg‘atilgani to‘g‘risida xabar berilgandi.
Izoh (0)