Наманган вилояти Уйчи туманида Фарғона каналига тушиб кетган Nexia ва унинг ҳайдовчиси қутқарилди. Бу ҳақда вилоят ФВБ матбуот хизмати хабар берди.
Маълум қилинишича, фуқаро Ҳ.Ҳ. Nexia’ни маст ҳолда бошқариб кетаётиб, ҳаракат хавфсизлигини таъминлай олмай «Боягон» МФЙ Соҳил бўйи кўчасидан оқиб ўтувчи Фарғона каналига машина билан бирга тушиб кетган.
Юқоридаги ҳолат бўйича Фавқулодда вазиятлар бошқармасига келиб тушган тезкор хабарга асосан зудлик билан воқеа жойига Наманган вилояти ФВБ ёнғин қутқарув отряди етиб келиб, юзага келган ҳолат ижобий бартараф этилган.
ФВБ хабарида айтилишича, автомашина сувдан олиб чиқилган. Ҳайдовчига тан жароҳати етмаган ва ҳозирда ҳолати яхши. Мазкур ҳолат бўйича ҳеч қандай жиддий зарарлар юзага келмаган.
Мавзуга доир:
Изоҳ (0)