«Ўргимчак одам» ҳақидаги янги фильмнинг узоқ кутилган трейлери эълон қилинди, деб хабар беради «Film.ru».
Эълон қилинган кадрлардан кўриш мумкинки, Питер Паркернинг ҳаёти Мистерий унинг кимлигини оммага ошкор қилгач, бутунлай остин-устун бўлиб кетган. Шундан сўнг қаҳрамон Доктор Стренждан ёрдам сўраган, аммо унинг жодуси нотўғри ишлаб, вақт ва макон узлуксизлигини бузиб юборган.
Картина No Way Home («Уйга йўл йўқ») номи остида катта экранларга чиқади. Унда Том Холланд яна бир бор Зендея ва Жейкоб Баталон билан рол ижро этган. Шунингдек, трейлерда «Ўргимчак одам» ҳақидаги биринчи трилогияда бош ролни ўйнаган ёвуз Доктор Октопус (Алфред Молина ижросида) кўриниш берган. Триквелда яна қайси актёрлар пайдо бўлиши ҳозирча сир сақланмоқда.
Жон Уотцнинг фильмини 2021 йил 17 декабрдан бошлаб кинотеатрларда томоша қилиш мумкин бўлади.
Эслатиб ўтамиз, 2020 йилнинг ноябрида Том Холланд «Ўргимчак одам» фильмини суратга олиш жараёнидаги фото билан бўлишганди ва унда бош қаҳрамон тиббиёт ниқоби тақиб олгани тасвирланган эди.
Изоҳ (0)