Netflix striming servisi tomonidan 2021-yilning kuz-qish mavsumlarida e’lon qilinadigan relizlar jadvali paydo bo‘ldi. Ular orasidan “Tepaga qarama”, “Qizil xabarnoma”, Xalle Berri va Meggi Jillenxolning rejissorlik debyutlari o‘rin olgan, deb xabar beradi “Film.ru”.
Ro‘yxat quyidagicha ko‘rinish olgan:
- 3-noyabr — Idris Elba va Rejina King ijrosidagi “Yiqilish og‘riqli” vesterni;
- 10-noyabr — “Mug‘ombirlik” dramasi. Aktrisa Rebekka Xollning Tessa Tompson va Rut Negga bilan rejissorlik debyuti;
- 12-noyabr — Dueyn Jonson, Gal Gadot va Rayan Reynolds ijrosida “Qizil xabarnoma” jangari filmi;
- 19-noyabr — Endryu Garfild ijrosida “Tik-Tik, bum!” myuzikli. Lin-Manuel Mirandaning rejissorlik debyuti;
- 24-noyabr — “Ko‘kargan” sport dramasi. Xelli Berrining rejissorlik debyuti bo‘lib, unda aktrisaning o‘zi bosh rolni ijro etgan;
- 15-dekabr — “Yoshlik” va “Buyuk go‘zallik” filmlari rejissori Paolo Sorrentino tomonidan suratga olingan “Xudo qo‘li” filmi;
- 22-dekabr — Leonardo Di Kaprio, Jennifer Lourens, Meril Strip va boshqa yulduzlar ijrosidagi “Tepaga qarama” satirik blokbasteri;
- 31-dekabr — Oliviya Kolmandan “Notanish qiz” filmi.
Avvalroq Netflix o‘z servisiga videoo‘yinlar ham qo‘shishni rejalashtirayotgani, Jennifer Lopes Netflix’ning yangi loyihasida insoniyatning so‘nggi umidiga aylanishi to‘g‘risida xabar berilgandi.
Izoh (0)