Shveysariya hukumati tomonidan beg‘araz ko‘mak sifatida taqdim etilgan tibbiy niqoblar O‘zbekistonga olib kelindi, deya xabar qilmoqda Sanitariya-epidemiologiya xizmati.
Tibbiy niqoblar koronavirusga qarshi kurashish doirasida O‘zbekiston tibbiyot muassasalarining tibbiy ta’minot zaxiralarini mustahkamlashga ko‘maklashish maqsadida jo‘natildi.
Toshkent aeroportida taqdim etilgan tibbiy niqoblar hukumat vakillari tomonidan qabul qilib olindi.
Bundan avval AQShdan O‘zbekistonga taqdim etilgan gumanitar yordamning ikkinchi qismi olib kelingani hamda AQSh O‘zbekistonga qiymati 330 ming dollardan ziyod bo‘lgan tibbiy niqoblar yuborgani haqida xabar berilgandi.
Izoh (0)