Farg‘ona viloyatining Oltiariq tumanida 852 ming tonna ko‘mir mahsulotlarini talon-toroj qilgan shaxsga jinoyat ishi qo‘zg‘atildi. Bu haqda IIV Transport va turizm obyektlarida xavfsizlikni ta’minlash departamenti xabar berdi.
10-avgust kuni Farg‘ona viloyati IIB TXTBga kelib tushgan ma’lumotga ko‘ra, 6-iyul kuni Qo‘qon birlashgan yonilg‘i ombor xo‘jaligi Farg‘ona viloyati Oltiariq ko‘mir ombori ko‘rikdan o‘tkazilganda, ushbu ombor mudiri lavozimida ishlovchi 28 yoshli A.K. o‘zining moddiy javobgarligida bo‘lgan umumiy narxi 541 million 20 ming so‘mlik 852 ming tonna BR3 markali ko‘mir mahsulotlarini o‘z manfaatini ko‘zlab, qora bozorda sotib yuborgani ma’lum bo‘lgan va unga nisbatan qonuniy chora ko‘rilishi hamda yetkazilgan moddiy zarar undirilishida amaliy yordam berilishi so‘ralgan.
Tergovga qadar tekshiruv harakatlari davomida A.K. o‘ziga biriktirilgan, aholi va budjet tashkilotlariga tarqatilishi lozim bo‘lgan 852 ming tonna BR3 markali ko‘mir mahsulotlarini pulini keyinchalik berish sharti bilan tanishlariga arzon narxda sotib yuborgani aniqlangan.
Holat yuzasidan A.K.ga nisbatan Jinoyat kodeksining 167-moddasi 3-qismi “a” bandi (juda ko‘p miqdorda o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan.
Izoh (0)