Ispaniya La Ligasining 2021/22-yilgi mavsumi start oldi. 14-avgust kuni 1-tur doirasidagi bir qator o‘yinlar bo‘lib o‘tdi.
“Real” mavsumning dastlabki bahsini mehmonda “Alaves”ga qarshi o‘tkazdi. Birinchi bo‘limda hisob ochilmadi. Ikkinchi bo‘lim debyutida Karim Benzema madridliklarni oldinga olib chiqdi. 62-daqiqada Nacho jamoasining ikkinchi golini urgan bo‘lsa, oradan ko‘p o‘tmay Benzema dublni rasmiylashtirdi.
Bunga maydon egalari Xoseluning goli bilan javob qaytardi. Ikkinchi bo‘limga qo‘shib berilgan vaqtda Vinisius Junior hisob 1:4 ko‘rinishiga keltirdi.
Shu tariqa Karlo Anchelotti jamoasi mavsumni g‘alaba bilan boshladi.
La Liga
1-tur bahslari
14-avgust, shanba
“Alaves” — “Real Madrid” 1:4
Gollar: 0:1 – 48 Benzema, 0:2 – 56 Nacho, 0:3 – 62 Benzema, 1:3 – 65, penalti Xoselu, 1:4 – 90+2 Vinisius Junior.“Alaves”: Pacheko, Agirregabiria, Laguardia, Lejen, Duarte, Pina (Moyya, 82), Mendes (Martin, 68), Pere Pons (Lum, 59), Manu Garsiya (Gvidetti, 59), Xoselu, Rioxa (Pelistri, 68).
“Real Madrid”: Kurtua, Nacho, Militao, Alaba, Modrich (Asensio, 88), Kazemiro, Valverde (Isko, 88), Vaskes, Benzema (Yovich, 89), Beyl (Rodrigo, 68), Azar (Vinisius Junior, 66).
Ogohlantirishlar: Manu Garsiya (35), Beyl (53), Kurtua (64).
Izoh (0)