Angliya Premyer Ligasining 1-turidan o‘rin olgan bir qator o‘yinlar 14-avgust, shanba kuni o‘tkazildi.
“Manchester Yunayted” o‘z maydonida “Lids”ni qabul qildi va yirik hisobda g‘alabaga erishdi. Brunu Fernandesh het-trik qayd etgan bo‘lsa, Meyson Grinvud va Fred bittadan gol urdi. Manchesterliklar yarim himoyachisi Pol Pogba to‘rtta golga assistentlik qildi.
“Chelsi” esa “Kristal Pelas” darvozasiga javobsiz uchta gol urdi. Markos Alonso, Kristian Pulishich va Trevo Chalobaning gollari londonliklarga uch ochko keltirdi.
“Liverpul” safarda “Norvich” mehmoni bo‘ldi. Diogu Jota, Roberto Firmino va Muhammad Salohning gollari “qizillar”ning yirik g‘alabasini ta’minladi.
APL
1-tur bahslari
14-avgust, shanba
“Manchester Yunayted” — “Lids” 5:1
Gollar: 1:0 – 30 Brunu Fernandesh, 1:1 – 48 Eyling, 2:1 – 52 Grinvud, 3:1 – 54 Brunu Fernandesh, 4:1 – 60 Brunu Fernandesh, 5:1 – 68 Fred.“Manchester Yunayted”: De Xea, Uan-Bissaka, Maguayr, Lindelyof, Shou, Pogba (Marsyal, 75), Fred, Brunu Fernandesh, Jeyms (Sancho, 75), Maktominey (Matich, 69), Grinvud.
“Lids”: Melye, Eyling, Kuper, Streyk, Dallas, Kox, Harrison (Elder Koshta, 69), Klix, Rafinya, Rodrigo (Firpo, 46), Bemford (Roberts, 77).
Ogohlantirishlar: Kuper (59), Rafinya (62), Shou (83).
“Chelsi” — “Kristal Pelas” 3:0
Gollar: 1:0 – 27 Alonso, 2:0 – 40 Pulishich, 3:0 – 58 Chaloba.“Chelsi”: Mendi, Aspilikueta (Jeyms, 67), Ryudiger, Kristensen, Chaloba, Alonso (Emerson, 86), Kovachich, Jorjinyo, Pulishich (Haverts, 82), Maunt, Verner.
“Kristal Pelas”: Guaita, Uord, Kuyate, Gexi, Mitchell, Shlupp (Andersen, 57), Makartur, Ridevald (Rak-Saki, 77), Ayyu, Zaha, Mateta (Benteke, 57).
“Norvich” — “Liverpul” 0:3
Gollar: 0:1 – 26 Diogu Jota, 0:2 – 65 Firmino, 0:3 – 74 Saloh.“Norvich”: Krul, Aarons, Henli, Gibson, Yannulis, Kentuell (Dauell, 86), Rashitsa (Sarjent, 77), Rupp, Le-Melu, Gilmor, Pukki (Ida, 77).
“Liverpul”: Alisson, Aleksander-Arnold, Matip, van Deyk, Simikas, Milner, Oksleyd-Chemberlen (Fabinyo, 61), Keyta (Elliott, 83), Saloh, Mane, Diogu Jota (Firmino, 61).
Ogohlantirishlar: Milner (25), Kentuell (53).
Izoh (0)