Germaniya O‘zbekistonga koronavirusga qarshi vaksina yetkazib beradi. Gap ingliz-shved vaksinasi bo‘lgan AstraZeneca haqida ketmoqda, deb xabar beradi “Podrobno.uz” Deutsche Welle nashriga tayanib.
Bu haqda 9-avgust, dushanba kuni Berlinda GFR hukumati rasmiy vakilining o‘rinbosari Ulrike Demmer ma’lum qildi.
Ma’lum qilinishicha, Germaniydan O‘zbekistonga 355 200 dozalik vaksina keladi. Yetkazib berish, asosan, butun dunyo mamlakatlariga ro‘yxatdan o‘tgan, xavfsiz hamda samarali vaksinadan teng foydalanish imkoniyatini beruvchi COVAX orqali amalga oshiriladi.
Bundan avval O‘zbekistonga AQShdan koronavirusga qarshi 3 million dozadan ortiq Moderna vaksinasi keltirilgani hamda O‘zbekistonda vaksina zaxirasi 14,5 milliondan oshgani haqida xabar berilgandi.
Izoh (0)