Tokio—2020 Olimpiadasining 6-avgust kungi musobaqalari o‘z yakuniga yetdi. Yozgi o‘yinlarning rasmiy 14-kunida 23 ta medallar shodasi o‘ynaldi.
Medallar umumiy reytingida Xitoy hamon yetakchilik qilmoqda. Biroq xitoyliklar medallar soni bo‘yicha AQShdan ortda qolmoqda.
O‘zbekiston delegatsiyasi 6-avgustda qo‘lga kiritilgan navbatdagi bronza medali evaziga o‘z vaziyatini yaxshilashga muvaffaq bo‘ldi. O‘zbekistonliklar 2 tadan oltin va bronza bilan 35-pog‘onada bormoqda.
Markaziy Osiyo vakillaridan Qozog‘iston (7 ta bronza) 79-o‘rinda borayotgan bo‘lsa, Turkmaniston (1 ta kumush) 75—78-o‘rindan joy egallagan. Qirg‘iziston (2 ta kumush, 1 ta bronza) 68-pog‘onada bo‘lsa, Tojikiston va Afg‘oniston hisobida medal yo‘q.
Shu vaqtga qadar jami 943 ta medal (293 ta oltin, 291 ta kumush va 359 ta bronza) o‘z egalariga topshirildi. 89 ta mamlakat vakillari kamida bittadan sovringa ega bo‘ldi. Shuningdek, 63 ta delegatsiya, jumladan, O‘zbekiston ham o‘z hisobiga oltin medal yozdirib qo‘ygan.
Tokio—2020 medallar reytingi (top-10)
1. Xitoy — 36-26-17 (79)
2. AQSh — 31-36-31 (98)
3. Yaponiya — 24-11-16 (51)
4. Buyuk Britaniya — 18-20-20 (58)
5. ROQ (Rossiya) — 17-23-22 (62)
6. Avstraliya — 17-6-21 (44)
7. Italiya — 10-10-18 (38)
8. Germaniya — 9-11-16 (36)
9. Niderlandiya — 9-10-12 (31)
10. Fransiya — 7-11-9 (27)
...
35. O‘zbekiston — 2-0-2 (4)
Izoh (0)