Toshkentda o‘ta og‘ir jinoyat sodir etganlikda gumonlanayotgan shaxs qidirilmoqda

Toshkent shahar IIBB o‘ta og‘ir jinoyat sodir etganlikda gumonlanuvchi shaxsni qidiruvga berdi. Bu haqda idora matbuot xizmati ma’lum qildi.

Ma’lumotlarga ko‘ra, ushbu shaxs 1956-yilda tug‘ilgan Vasiliy Korjukar Georgiyevich hisoblanadi. U doimiy yashash joyiga ega emas.

Belgilari: bo‘yi 160 santimetr, o‘rtacha gavdali.

“Hurmatli fuqarolar, agar siz Vasiliy Korjukar qayerdaligi haqida biror bir ma’lumotga ega bo‘lsangiz, yaqin oradagi ichki ishlar bo‘limiga yoki (71)-265-04-39, (71)-230-08-13, (98)-800-38-39, 102 raqamlari orqali qo‘ng‘iroq qilishingizni so‘raymiz. Maxfiylik kafolatlanadi”, — deyiladi xabarda.

“Daryo”ning huquq-tartibot organlaridagi manbasi Vasiliy Korjukar qotillikda gumon qilinayotganini ma’lum qilgan.

Avvalroq Samarqandda xalqaro ekstremistik guruhlarga qo‘shilib qolgan 9 kishi qidiruvga berilgani, IIV Sodiq Samarqandiy, Abdulloh Zufar va yana sakkiz kishiga nisbatan qidiruv e’lon qilgani to‘g‘risida xabar berilgandi.