Markaziy Osiyo davlatlari rahbarlari Turkmanistondagi “Avaza” milliy sayyohlik zonasida norasmiy uchrashuv o‘tkazdi. Prezidentlar uchrashuvi tasvirlangan suratlar Qozog‘iston prezidenti matbuot kotibining Facebook’dagi sahifasida e’lon qilingan.
“Markaziy Osiyo davlatlari rahbarlarining norasmiy uchrashuvi”, — deyiladi suratlar ostidagi izohda.
E’lon qiligan suratlarda Turkmaniston prezidenti Gurbanguli Berdimuhamedov, Qozog‘iston prezidenti Qosim-Jo‘mart To‘qayev, Tojikiston prezidenti Emomali Rahmon, Qirg‘iziston prezidenti Sadir Japarov hamda O‘zbekiston prezidenti Shavkat Mirziyoyevni ko‘rish mumkin.
Eslatib o‘tamiz, 5-avgust kuni O‘zbekiston Prezidenti “Avaza” milliy sayyohlik zonasida bo‘lib o‘tadigan Markaziy Osiyo davlatlari rahbarlarining navbatdagi Maslahat uchrashuvida ishtirok etish uchun Turkmanboshiga yetib borgan edi.
Izoh (0)