Tokio—2020. 7 ta gol urilgan o‘yinda Ispaniya Kot-d’Ivuarni mag‘lub etib yarim finalga yo‘l oldi. 9 ta gol kiritilgan bahsda esa Janubiy Koreya Meksikaga yengildi

Tokio—2020 Olimpiadasi futbol bahslarining chorak final o‘yinlari 31-iyul, shanba kuni bo‘lib o‘tdi.

Ispaniya Kot-d’Ivuar termasi bilan to‘qnash kelib, qo‘shimcha daqiqalarda g‘alabani o‘z tomoniga og‘dirib oldi. Uchrashuvda umumiy hisobda 7 ta gol kiritildi. Zaxiradan o‘yinga qo‘shilgan ispanlar hujumchisi Rafa Mir het-trik muallifiga aylandi.

Mezbon Yaponiya 1/4 finalda Yangi Zelandiya bilan to‘qnash keldi. Uchrashuvning asosiy vaqti va qo‘shimcha bo‘limlarda darvozalar daxlsiz qoldi. Penaltilar seriyasida omad kun chiqar yurt vakillariga kulib boqdi.

Braziliya Misrga qarshi bahs yuritib, minimal hisobdagi g‘alabani tantana qildi.

Chorak finalning so‘nggi bellashuvida Janubiy Koreya va Meksika vakillari o‘zaro bahs olib bordi. Gollarga boy bo‘lgan o‘yin meksikaliklarning g‘alabasi bilan yakunlandi.

Shu tariqa Tokio Olimpiadasi futbol bahslarining yarim finalchilari aniqlandi. Uchrashuvlar 3-avgust kuni bo‘lib o‘tadi. 1/2 final juftliklari quyidagicha ko‘rinish oldi:

• Meksika — Braziliya
• Yaponiya — Ispaniya.