Shavkat Mirziyoyev topshirig‘i bilan nogironligi bo‘lgan bolalarni qo‘llab-quvvatlash uchun 1-avgustdan boshlab budjetdan qo‘shimcha 100 milliard so‘m ajratiladi.
“2 ming nafar bola uchun 4 mingta zamonaviy eshitish vositalari xarid qilinadi. Shuningdek, 615 nafar 5 yoshgacha kar-soqov va eshitishi zaif bolalarga eshitishga ko‘maklashuvchi maxsus implantlar o‘rnatiladi.
Tug‘ma yurak nuqsoni bor 2 ming nafar, bosh miyada o‘zgarishlari bor 1 ming nafar hamda harakat a’zolari kasalliklari bo‘yicha 1,7 ming nafar bolalarda bepul jarrohlik operatsiyalari o‘tkaziladi, ularning ming nafari protezlash va boshqa zarur uskunalar bilan ta’minlanadi.
Shuningdek, 2021-yilda harakatlanishi cheklangan 1 ming 100 nafar bola elektr aravachalar bilan ta’minlanadi. Kelgusi 5 yilda yana 12 ming nafar nogironligi bo‘lgan bolalar bu aravachalar bilan ta’minlanadi.
Bundan tashqari, yetim bolalar uchun xorijda o‘tkaziladigan murakkab jarrohlik amaliyotlari budjetdan to‘liq kompensatsiya qilinadi.
Oltinchidan, Voyaga yetmaganlar bilan ishlash komissiyalari o‘rniga Bolalar masalalari bo‘yicha milliy komissiya tashkil etilib, bola huquqlari bo‘yicha vakil (Aliya Yunusova) Milliy komissiyaning raisi etib belgilanadi”, – dedi Shavkat Mirziyoyev.
Mavzuga doir:
- Shavkat Mirziyoyev: “Sharoiti og‘ir bo‘lgan mehribonlik uylarini Prezident Administratsiyasi, Vazirlar Mahkamasi, viloyat hokimlari otaliqqa oladi”
- Shavkat Mirziyoyev: “Mehribonlik uylaridagi bolalarga ota va ona mehrini bera oladigan tizim yaratishimiz kerak”
- Shavkat Mirziyoyev mehribonlik uylarini Milliy gvardiya mas’ulligiga o‘tkazishni taklif qildi
Izoh (0)