Шавкат Мирзиёев топшириғи билан ногиронлиги бўлган болаларни қўллаб-қувватлаш учун 1 августдан бошлаб бюджетдан қўшимча 100 миллиард сўм ажратилади.
«2 минг нафар бола учун 4 мингта замонавий эшитиш воситалари харид қилинади. Шунингдек, 615 нафар 5 ёшгача кар-соқов ва эшитиши заиф болаларга эшитишга кўмаклашувчи махсус имплантлар ўрнатилади.
Туғма юрак нуқсони бор 2 минг нафар, бош мияда ўзгаришлари бор 1 минг нафар ҳамда ҳаракат аъзолари касалликлари бўйича 1,7 минг нафар болаларда бепул жарроҳлик операциялари ўтказилади, уларнинг минг нафари протезлаш ва бошқа зарур ускуналар билан таъминланади.
Шунингдек, 2021 йилда ҳаракатланиши чекланган 1 минг 100 нафар бола электр аравачалар билан таъминланади. Келгуси 5 йилда яна 12 минг нафар ногиронлиги бўлган болалар бу аравачалар билан таъминланади.
Бундан ташқари, етим болалар учун хорижда ўтказиладиган мураккаб жарроҳлик амалиётлари бюджетдан тўлиқ компенсация қилинади.
Олтинчидан, Вояга етмаганлар билан ишлаш комиссиялари ўрнига Болалар масалалари бўйича миллий комиссия ташкил этилиб, бола ҳуқуқлари бўйича вакил (Алия Юнусова) Миллий комиссиянинг раиси этиб белгиланади», – деди Шавкат Мирзиёев.
Мавзуга доир:
- Шавкат Мирзиёев: «Шароити оғир бўлган меҳрибонлик уйларини Президент Администрацияси, Вазирлар Маҳкамаси, вилоят ҳокимлари оталиққа олади»
- Шавкат Мирзиёев: «Меҳрибонлик уйларидаги болаларга ота ва она меҳрини бера оладиган тизим яратишимиз керак»
- Шавкат Мирзиёев меҳрибонлик уйларини Миллий гвардия масъуллигига ўтказишни таклиф қилди
Изоҳ (0)