Toshkent irrigatsiya va qishloq xo‘jaligini mexanizatsiyalash muhandislari instituti rektori, professor O‘ktam Umurzoqov vafot etgani haqida xabar berilgan edi. Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva uning vafoti munosabati bilan hamdardlik bildirdi.
Men ularni bolaligimdan tanirdim. Endi bu hayotda yo‘qliklari, hech qachon uchrasha olmasligimiz, nurli, xotirjam yuzlarini boshqa ko‘ra olmasligimni, dono maslahatlaridan bahramand bo‘la olmasligimni anglash og‘ir.Ma’lumot uchun, Respublika oliy ta’lim kengashi raisi, Toshkent irrigatsiya va qishloq xo‘jaligini mexanizatsiyalash muhandislari instituti rektori, iqtisod fanlari doktori, professor O‘ktam Umurzoqov 26-iyul kuni 68 yoshida vafot etdi. Ushbu institutda 1974-yildan buyon turli lavozimlarda ishlagan. 2017-yil 26-maydan hozirga qadar ushbu institutga rektorlik qilib kelayotgan edi.O‘ktam Pardayevich yirik olim, iste’dodli murabbiy, ma’rifatparvar inson edi. Deyarli butun umrini mamlakat uchun eng katta ahamiyatga ega ta’lim muassasalaridan biri — Toshkent irrigatsiya institutiga bag‘ishladi. Ishonchim komilki, O‘ktam Umurzoqovning nomi va qilgan xayrli ishlari shogirdlarining yuragida uzoq yillar yashaydi.
Ustozning oila a’zolari, yaqinlariga hamdardlik bildiraman. Siz uchun duodaman, qadrli O‘ktam aka.
Saida Mirziyoyeva, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari
O‘ktam Umurzoqov bosh vazir o‘rinbosari — investitsiyalar va tashqi savdo vaziri Sardor Umurzoqovning otasi.
Izoh (0)