Тошкент ирригация ва қишлоқ хўжалигини механизациялаш муҳандислари институти ректори, профессор Ўктам Умурзоқов вафот этгани ҳақида хабар берилган эди. Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари Саида Мирзиёева унинг вафоти муносабати билан ҳамдардлик билдирди.
Мен уларни болалигимдан танирдим. Энди бу ҳаётда йўқликлари, ҳеч қачон учраша олмаслигимиз, нурли, хотиржам юзларини бошқа кўра олмаслигимни, доно маслаҳатларидан баҳраманд бўла олмаслигимни англаш оғир.Маълумот учун, Республика олий таълим кенгаши раиси, Тошкент ирригация ва қишлоқ хўжалигини механизациялаш муҳандислари институти ректори, иқтисод фанлари доктори, профессор Ўктам Умурзоқов 26 июль куни 68 ёшида вафот этди. Ушбу институтда 1974 йилдан буён турли лавозимларда ишлаган. 2017 йил 26 майдан ҳозирга қадар ушбу институтга ректорлик қилиб келаётган эди.Ўктам Пардаевич йирик олим, истеъдодли мураббий, маърифатпарвар инсон эди. Деярли бутун умрини мамлакат учун энг катта аҳамиятга эга таълим муассасаларидан бири — Тошкент ирригация институтига бағишлади. Ишончим комилки, Ўктам Умурзоқовнинг номи ва қилган хайрли ишлари шогирдларининг юрагида узоқ йиллар яшайди.
Устознинг оила аъзолари, яқинларига ҳамдардлик билдираман. Сиз учун дуодаман, қадрли Ўктам ака.
Саида Мирзиёева, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари
Ўктам Умурзоқов бош вазир ўринбосари — инвестициялар ва ташқи савдо вазири Сардор Умурзоқовнинг отаси.
Изоҳ (0)