Respublika oliy ta’lim kengashi raisi, Toshkent irrigatsiya va qishloq xo‘jaligini mexanizatsiyalash muhandislari instituti rektori, iqtisod fanlari doktori, professor O‘ktam Umurzoqov vafot etdi. Bu haqda institut matbuot xizmati xabar berdi.
O‘ktam Umurzoqov Toshkent irrigatsiya va qishloq xo‘jaligini mexanizatsiyalash muhandislari institutida 1974-yildan buyon turli lavozimlarda ishlagan. 2017-yil 26-maydan hozirga qadar ushbu institutga rektorlik qilib kelayotgan edi.
Ma’lumot uchun, O‘ktam Umurzoqov 1952-yil 20-avgustda Sirdaryo viloyatida tug‘ilgan. U bosh vazir o‘rinbosari — investitsiyalar va tashqi savdo vaziri Sardor Umurzoqovning otasi.
Izoh (0)