Fransiyalik dizayner Tyerri Gogen 350 million dollar turadigan yangi xususiy poyezd konsepsiyasini e’lon qildi, deb xabar beradi “Korrespondent.net”.
Loyiha sotuvga tayyorlanmoqda va Gogenning poyezdni konseptuallashtirish borasidagi birinchi urinishi hisoblanadi. Hisob-kitoblarga ko‘ra, uni yaratish ishlariga 2,5 yilga yaqin vaqt ketadi.
Ma’lum qilinishicha, tarkibning uzunligi 400 metr bo‘lib, to‘liq shishadan ishlangan 14 vagondan tashkil topadi. Zarurat tug‘ilganida transport vositasi shaffofdan to‘liq noshaffof holatga ham o‘ta oladi.
Poyezd 18 nafar yo‘lovchi uchun mo‘ljallangan. Taklif etiladigan xizmatlar orasidan ko‘plab xonalar, oshxona, yotoqxona, dam olish zonalari, terrasalar, shuningdek, jonli o‘simliklardan iborat bog‘ o‘rin olgan tarkib soatiga 160 kilometr tezlikda harakatlanishga qodir.
Eslatib o‘tamiz, 2019-yilning mayida Xitoyning CRRC korporatsiyasi soatiga 600 kilometr tezlikda yuradigan magnit yostiqli maglev poyezdlari prototipini namoyish etgandi.
Izoh (0)