O‘zbekiston va dunyo bo‘ylab 19-iyul kuni olingan sara suratlarni namoyish qilamiz.

Saudiya Arabistonida Haj marosimlari boshlandi. Iyun oyida Saudiya Arabistoni hukumati 18 yoshdan 65 yoshgacha bo‘lgan, COVID-19’ga qarshi emlashning to‘liq kursini tugatgan odamlar Hajda ishtirok etishi mumkin, degan qarorga keldi.

Foto: “TASS”

Toshkent tumanidagi kushxonalardan birida hordiq chiqarib o‘tirgan qassob.

Foto: “Daryo” / Madina Nurman

Mexiko shahrida feministik harakat a’zolari ayollarga nisbatan zo‘ravonlikka qarshi namoyish o‘tkazdi.

Foto: EPA

Qurbon hayiti arafasida Toshkent tumanidagi kushxonalardan birida qurbonlikka olib ketilayotgan novvos.

Foto: “Daryo” / Madina Nurman

Suv toshqinlari Germaniyadan so‘ng Shveysariyaga ham yetib keldi. Suratda: Nevshatel ko‘lining sharqiy qirg‘og‘ida suv bosgan lagerda suzib yurgan oqqushlar.

Foto: EPA

Toshkent tumanidagi kushxonalardan birida qurbonlik uchun keltirilgan qo‘ylar.

Foto: “Daryo” / Madina Nurman

Xitoyning Nankin shahri aholisi yozgi jaziramadan saqlanish uchun akvaparklarga tashrif buyurmoqda.

Foto: Getty Images

Xitoyning yovvoyi tabiat qo‘riqxonasida yashovchi Jen Jen laqabli panda ikkita farzandni dunyoga keltirdi.

Foto: Getty Images

Koronavirus cheklovlari bekor qilingani sababli tibbiy niqob taqmagan odamlar Oksforddagi do‘kondan chiqmoqda. Angliyada 19-iyul kuni deyarli barcha koronavirus cheklovlari bekor qilindi.

Foto: AFP

Iyun oyining oxirida Gvadalaxara hayvonot bog‘ida tug‘ilgan yosh begemot onasi bilan sun’iy suv havzasida suzishga tayyorlanmoqda. Hozircha bir oylik ham bo‘lmagan chaqaloqning vazni qariyb 30 kilogrammni tashkil qilmoqda, biroq bir necha yil ichida uning vazni, taxminan, 1,5 tonnaga yetadi.

Foto: Getty Images

Mumbayda kuchli yomg‘ir va ko‘chkilar tufayli 31 kishi halok bo‘ldi. Shaharning katta qismini suv bosdi. Hindistonda mussonlar mavsumi davom etmoqda.

Foto: Getty Images

Yakutsk va yana 50 ta aholi punkti o‘rmon yong‘inlari oqibatida tutun bilan qoplandi.

Foto: “TASS”

Riad Merhi Bryusselda bo‘lib o‘tgan og‘ir vazn toifasida WBA versiyasi bo‘yicha Jahon chempionati doirasida Jaosin Chang bilan jang qilmoqda.

Foto: Reuters

Indoneziyada COVID-19 bilan kasallanishning kuchayishi fonida kislorod ballonlari tanqisligi boshlandi. Kasalxonalarda koronavirus bilan kasallanganlar uchun kislorod yetishmayapti.

Foto: Getty Images

Angliyada niqob taqish, ijtimoiy masofani saqlash va boshqa koronavirus cheklovlari bekor qilingandan so‘ng tungi klubda raqs tushayotgan odamlar.

Foto: LNP

Tokio—2020 Olimpiadasiga yo‘l olgan Xitoyning olimpiya terma jamoasi a’zolari Narita xalqaro aeroportida tibbiy niqob va yelim himoya vositalarini kiyib o‘tiribdi.

Foto: Reuters

Avstraliya hukumati koronavirusning delta shtammining tarqalishi sababli Yangi Janubiy Uelsdagi lokdaun rejimini 30-iyulgacha uzaytirdi. Aholi faqat eng zarur narsalar uchun do‘konga chiqishi, tibbiy yordam olishi hamda toza havoda sport bilan shug‘ullanishi uchun tashqariga chiqishi mumkin. Suratda: Sidney sohillarida cho‘milayotgan odamlar.

Foto: Getty Images

Germaniyada kuchli yomg‘ir tufayli toshqinlardan zarar ko‘rgan hududda qidiruv-qutqaruv ishlarini amalga oshirayotgan o‘t o‘chiruvchilar.

Foto: Reuters

Karachi shahrida Qurbon hayiti arafasida chorva bozoridan qurbonlik qilish uchun tuya olib kelayotgan musulmonlar.

Foto: AFP

Germaniyaning Dernau shahrida kuchli yomg‘ir va suv toshqini oqibatida qabristonga borib qolgan avtomobil.

Foto: Reuters

Xitoyning Liaoning provinsiyasida o‘tkazilgan tijorat tadbirlari doirasida bir-biriga suv sepayotgan odamlar.

Foto: AFP

Nogiron nepallik qiz onasi bilan Katmandudagi Nepal nogironlar uyushmasi markazida vaksina olish uchun navbat kutmoqda.

Foto: AP Photo

Qurbon hayiti arafasida Makka tashqarisidagi Arafot tekisligida joylashgan Namira masjidida namoz o‘qiyotgan Haj ziyoratchilari.

Foto: Reuters

Hindiston sharqidagi Assam shtati politsiyasi musodara qilingan bir tonnadan ortiq giyohvand moddalarni yo‘q qildi.

Foto: Getty Images