Amerika Kubogining final o‘yini O‘zbekiston vaqti bilan 11-iyul tongida bo‘lib o‘tadi.
Amerika Kubogi—2021
Final bahsi
11-iyul, yakshanba
Argentina — Braziliya 05:00
“Marakana”. Braziliya, Rio-de-Janeyro
Argentina
Messi Amerika Kubogi finalida uch marta, Jahon Chempionati finalida bir marta mag‘lubiyat alamini totib ko‘rdi. Bu argentinalik futbolchiga o‘ziga xos bosim yuklashi mumkin. Muxlislar sovrin kutmoqda, Leoning esa vaqti o‘tyapti: keyingi Amerika Kubogida Messi 38 yoshda bo‘ladi. Balki unda Leo faoliyatini yakunlagan bo‘lar. Shuning uchun argentinalik yulduz uchun bu terma jamoada sovrin yutish uchun oxirgi imkoniyat bo‘lishi mumkin.
Hozir Argentina terma jamoasi yaxshi formada va Messining o‘zi ham musobaqada 4 ta gol va 5 ta golli uzatmani amalga oshirdi. Skaloni Leodan foydalanish yo‘lini topa oldi. Sardor Rodrigo de Paul va Jovanni lo Chelso bilan bir-birlarini tushunib o‘ynayapti. Ulardan tashqari hujumda Lautaro Martines ham bor. Jamoa yaxlit bir mexanizm bo‘la oldi.
Lionel Messi o‘z ehtiroslarini har doim ham namoyish qilavermaydi. Biroq bir hodisadan keyin futbol olami ilk bor Messining omma oldida yig‘lashiga guvoh bo‘ladi... (Davomini o‘qish)
Ushbu musobaqada “selesao” qoyilmaqom natijalarni ko‘rsatmoqda. 6 o‘yinda 5 g‘alaba braziliyaliklarning finalga haqli ravishda chiqqanini bildiradi. Jamoaning asosiy yulduzi Neymar ham yaxshi formada. Amaldagi chempion Braziliya Amerika Kubogida 10-sovrinni qo‘lga kiritishni maqsad qilgan.
Braziliyaning chap qanotida muammolar yuzaga keldi: Aleks Sandro jarohat oldi va katta ehtimol bilan finalni o‘tkazib yuboradi. Uning o‘rniga maydonga tushishi ko‘zda tutilgan Renan Lodi esa hujumga chiqib ketishni yaxshi ko‘radi. Messining o‘sha qanotdan hujumga o‘tishini hisobga olsak, Fredga juda katta bosim tushadi. Braziliyaning nozik joyi chap qanot bo‘lib qoldi. Albatta, Tite Messini to‘xtatib qolish usullarini bilishini aytdi. Hammasi endi finalda hal bo‘ladi.
Murabbiylar fikri:
Albatta biz g‘alaba qozonishni xohlaymiz. Bo‘lmasa shuncha harakat qilmasdik. Lionel Messi har qanday holatda ham dunyoning eng yaxshi futbolchisi ekanligini isbotlab bo‘lgan. Hattoki, raqiblar ham buni tan oladi.Lionel Skaloni, Argentina terma jamoasi bosh murabbiyi
Biz finalda g‘alaba qozonishni istaymiz. Men Messini to‘xtatib qolish yo‘lini bilaman, lekin aytmayman. Argentinaliklar Neymarni qanday to‘xtatib qolmoqchiligini aytsa, men ham sirni ochaman. Bizni ajoyib shou kutmoqda.Taxminiy tarkiblar:Tite, Braziliya terma jamoasi bosh murabbiyi
Argentina: Martines, Lusero, Petsselya, Otamendi, Talyafiko, Rodriges, Lo Chelso, de Paul, Gonsales, Lautaro Martines, Messi.
Braziliya: Ederson, Danilo, Markinyos, Tiago Silva, Lodi, Kazemiro, Fred, Risharlison, Paketa, Everton, Neymar.
Barcha musobaqalarning onlayn jadvallari, o‘yinlar taqvimi, to‘purarlar ro‘yxati endi bitta joyda — ko‘rish.
Izoh (0)