Oliy Majlis Senati Kengashi qarori bilan Muhsinxo‘ja Abdurahmonov O‘zbekistonning Yaponiyadagi elchisi lavozimiga tayinlandi, deb xabar bermoqda TIV rasmiy vakili.
Muhsinxo‘ja Abdurahmonov 1974-yil Farg‘ona viloyatida tug‘ilgan. Chiko shahridagi Kaliforniya davlat universiteti (AQSh) va Otaru kommersiya universiteti (Yaponiya)ni bitirgan.
2004—2006-yillarda “Coca Cola Ichimligi O‘zbekiston” kompaniyasida menejer lavozimida ishlagan. 2008—2018-yillarda Yaponiyaning MTRUSTCo. Ltd kompaniyasida bosh direktor bo‘lgan. 2018—2021-yillarda Farg‘ona viloyati hokimi o‘rinbosari — investitsiya va tashqi savdo boshqarmasi boshlig‘i lavozimida faoliyat yuritgan.
2021-yildan elchi lavozimiga tayinlangunga qadar O‘zbekiston Tashqi ishlar vazirligida boshqarma boshlig‘i bo‘lib ishlab kelayotgandi.
Avvalroq Tojikistonning O‘zbekistondagi yangi elchisi tayinlangani, O‘zbekistonning Ummondagi elchisi tashqi ishlar vaziri maslahatchisi etib tayinlangani, Germaniya elchisi O‘zbekistondagi faoliyatini yakunlayotgani haqida xabar berilgandi.
Izoh (0)