Oliy Majlis Qonunchilik palatasi deputati Abdurahim Qurbonov 47 yoshida koronavirus infeksiyasi asoratlari oqibatida vafot etdi, deb xabar bermoqda parlament quyi palatasi matbuot xizmati.
Abdurahim Qurbonov 1974-yilda Surxondaryo viloyati Jarqo‘rg‘on tumanida tug‘ilgan. 1996-yilda Termiz davlat universitetini tamomlagan. O‘sha yili u Termiz davlat universitetida dars berishni boshlagan. 1999-yildan 2001-yilgacha u aspirant, o‘qituvchi, so‘ngra universitetning katta o‘qituvchisi bo‘lgan.
2009-yilda u Oliy Majlis Qonunchilik palatasi deputati sifatida ish boshlagan. 2010—2019-yillarda Qonunchilik palatasining Qonunchilik, sud-huquq masalalari qo‘mitasi a’zosi bo‘lgan. 2019-yilda Korrupsiyaga qarshi kurash va sud-huquqiy masalalar qo‘mitasi a’zosi lavozimini egallagan.
Vafotiga qadar agrar va suv xo‘jaligi masalalari qo‘mitasi raisi o‘rinbosari lavozimida faoliyat ko‘rsatib kelayotgan edi.
Izoh (0)