Jizzax viloyati Mirzacho‘l tumani “Mirzadala” shaharcha fuqarolar yig‘inida 20 yoshli qizni uch kishi o‘g‘irlab ketgani ma’lum bo‘ldi, deb xabar beradi “Postda” gazetasi.
Qayd etilishicha, ichki ishlar organlariga murojaat qilgan fuqaro 2001-yilda tug‘ilgan qizi uyidan chiqib, ishiga bormaganini bildirgan. Olib borilgan surishtiruvlar davomida qizning o‘g‘irlangani aniqlangan.
Ma’lum bo‘lishicha, tuman markazida yashovchi uch nafar yigit jabrlanuvchining qarshilik ko‘rsatishiga qaramasdan uni Nexia’ga majburlab mindirib, Aydar-Arnasoy ko‘llar tizimi hududiga olib ketgan.
Mazkur holat yuzasidan Mirzacho‘l tumanining “Do‘stlik” mahalla fuqarolar yig‘inida yashovchi X.M., “Yerjar” mahalla fuqarolar yig‘inida yashovchi H.M. hamda B.A.ga nisbatan tegishli tartibda jinoyat ishi qo‘zg‘atilgan.
Avvalroq Namanganda ikki yigit tomonidan olib qochilgan 16 yoshli qiz o‘zini mashinadan tashlab halok bo‘lgani to‘g‘risida xabar berilgandi.
Izoh (0)