Toshkent viloyatining O‘rta Chirchiq tumanida joylashgan korxonalarning birida yuz bergan yong‘in bartaraf qilindi, deb xabar beradi FVV matbuot xizmati.
Ma’lum qilinishicha, 29-iyun kuni soat 21:58 da Toshkent viloyati Favqulodda vaziyatlar boshqarmasiga O‘rta Chirchiq tumani “Tinchlik” MFY Munavvar ko‘chasida joylashgan “Baraka Dekor” MChJda yong‘in sodir bo‘layotgani to‘g‘risida xabar kelib tushgan.
Shunga ko‘ra, boshqarma yong‘in-qutqaruv ekipajlari soat 22:07 da voqea joyiga yetib borib, soat 23:01 da yong‘in o‘rab olingan va soat 23:14 da batamom o‘chirilgan.
Hodisa oqibatida jabrlanganlar va halok bo‘lganlar yo‘q. Hozirda yong‘in sababi va keltirilgan zarar miqdori aniqlanmoqda.
Yong‘in yuz bergan korxona saytining ma’lumotlariga ko‘ra, “Baraka Dekor” MChJ penopolostiroldan dekorativ mahsulotlarni ishlab chiqarish bilan shug‘ullanadi.
Avvalroq Termizdagi elektr podstansiya hududida yong‘in sodir bo‘lgani, Zangiotadagi “Solnechniy” kanselyariya mollari bozori tomonda yong‘in yuz bergani, Yashnoboddagi kafe va unga tutash uyda yong‘in bo‘lgani to‘g‘risida xabar berilgandi.
Izoh (0)