“Daryo”ni Telegram’da o‘qing! Join!
20:57, 28.06.2021 26730

Foto: Filmdagi hamkasbi bilan yillar o‘tgach ko‘rishishga muvaffaq bo‘lgan yulduzlar

Rolini qoyilmaqom ijro qilishi bilan muxlislar qalbida joy olgan hamda filmning muvaffaqiyatli chiqishiga hissa qo‘shgan aktyor va aktrisalardan kimlar yillar o‘tganidan keyin takror uchrashish baxtiga muyassar bo‘lgani haqida ma’lumot berib o‘tamiz.

Oliviya Nyuton-Jon va Jon Travolta (“Briolin”)

Foto: AdMe

1978-yilgi mashhur myuzikl yulduzlari 2019-yil Floridadagi muxlislar bilan uchrashuvda Sendi va Denni qahramonlarini yana bir bor takror gavdalantirgan. 71 yashar Oliviya Nyuton-Jon Instagram sahifasida 66 yashar Jon Travolta bilan tushgan suratni joylab: “Men bu kostyumni film suratga olganimizdan buyon ilk bor kiydim”, — deb izoh yozib qoldirgan.

Keyt Uinslet va Leonardo Di Kaprio (“Titanik”)

Foto: AdMe

“Titanik” 11 karra “Oskar” berilgan Gollivud tarixidagi eng qimmat va muvaffaqiyatli film sanaladi. Film premyerasiga 23 yil bo‘lgan bo‘lishiga qaramay, juftlik o‘rtasidagi do‘stona munosabatlarning saqlanib qolishiga ular bir-biriga oshiq bo‘lmaganini sabab qilib ko‘rsatadi.

Xilari Suenk va Jerrard Batler (“P.S. Men seni sevaman”)

Foto: AdMe

2007-yilda ekran yuzini ko‘rgan va undan 3 yil avval yozilgan kitobning ekranizatsiyasi hisoblangan film aktyorlari suratga olish jarayonlari yakuniga yetganidan bir necha yillar o‘tib, taqdirlash marosimida uchrashib qolgan. Ularning yana bir bor birgalikda ishlashi mumkin, ammo filmda kimlar suratga tushishi ma’lum emas.

Meg Rayan va Billi Kristal “Garri Sallini uchratganda”

Foto: AdMe

“Garri Sallini uchratganda” filmida suratga tushgan bosh qahramonlar 2019-yilda 30 yillik yubileyni nishonlash uchun qayta uchrashgan. Tanqidchilar filmga tarixdagi eng yaxshi romantik komediya sifatida baho bergan. Kristal va Rayan TCL teatridagi film namoyishini ochib bergan.

Juliya Roberts va Richard Gir (“Chiroyli ayol”)

Foto: AdMe

Suratga olinganidan 30 yil o‘tib ham sevimli hisoblangan filmning bosh qahramonlari hali hamon kinosanoatning eng talabgir aktyorlardan sanaladi. Ular bi-biri bilan tadbir va marosimlarda uchrashib turadi.

Adam Sandler va Dryu Berrimor (“Ilk 50 bo‘sa”)

Foto: AdMe

1995-yilda suratga olingan filmning muvaffaqiyatiga erishishiga Adam Sandler va Dryu Berrimorning hissasi katta. Bosh qahramonni gavdalantirgan aktyorlar 2019-yil Chikagodagi Comic-Con festivalida uchrashgan.

Rene Zellveger va Xyu Grant (“Brijit Jons kundaligi”)

Foto: AdMe

Brijit Jons haqidagi trilogiyaning birinchi va ikkinchi qismlarida suratga tushgan britaniyalik aktyorlar o‘z rollari haqida unutmagan. BAFTA taqdirlash marosimida Xyu Jonsni tabriklagan. Muxlislar qarshisida ular bir-birini bag‘riga bosgan.

Antonio Banderas va Ketrin Zeta-Jons (“Zorro niqobi”)

Foto: AdMe

1998-yilda “Zorro niqobi” hamda 2005-yilda “Zorro haqidagi afsona” filmlarida suratga tushgan Antonio Banderas va Ketrin Zeta-Jons 2019-yilgi “Oltin globus”ning taqdirlash marosimida uchrashib qolgan.

Vaynona Rayder va Itan Xouk “Reality Bites”

Foto: AdMe

Mazkur film Amerikaning 90-yilgi yoshlarining hayoti haqida hikoya qiladi. Premyeradan 25 yil o‘tib 2019-yilda aktyorlar Vaynona Rayder, Itan Xouk, shuningdek, Ben Stiller va Janin Garofalo “Traybeka” festivali bahonasida qayta ko‘rishgan.

Maykl Duglas va Glenn Klouz “Fatal Attaction”

Foto: AdMe

1987-yilda ekran yuzini ko‘rgan film yulduzlari AQSh kinoaktyorlar gildiyasida qayta uchrashgan.

Al Pachino va Mishel Pfayffer (“Chandiqli yuz”)

Foto: AdMe

Al Pachino bir qancha esda qolarli rollar ijro qilgan, “Chandiqli yuz”dagi gangster Toni Montana qahramoni esa shular jumlasidan. Rejissor Brayan De Palma tomonidan suratga olingan film aktyorlari, Mishel Pfayffer va Al Pachino va boshqalar premyeraning 35 yilligini nishonlash maqsadida 2018-yildagi “Traybeka” festivalida uchrashgan.

Elison Xannigan va Jeyson Mettyu Biggs (“Amerikancha pirog”)

Foto: AdMe

Filmda suratga tushgan aktyorlar “Amerikancha pirog”ning birinchi qismi suratga olinganidan 20 yil o‘tib, 2019-yilda uchrashishga muvaffaq bo‘lgan.