Iste’dodi va mahorati bilan kino sanoatida o‘z o‘rniga ega bo‘lgan aktyor va aktrisalar filmda suratga tushish uchun qancha mablag‘ olishi haqida ma’lumot berib o‘tamiz.
Dueyn Jonson
Aktyor ikki yil qatorasiga Forbes reytingida yetakchilik qilmoqda. 2018-yilning iyunidan 2019-yilga qadar topgan daromadi 89,4 millionni tashkil qilgan Dueyn bir yil o‘tib, 87,5 million ishlab topgan. Pandemiya vaqtidagi ma’lumotlar aniq emas, filmlardan daromad topmagan aktyorlar strim va ijtimoiy tarmoqlar orqali pul topishga muvaffaq bo‘lgan.
Skarlett Yoxansson
2018-yilda eng ko‘p daromadga ega bo‘lgan Skarlettning moliyaviy ahvoli Dueyndan 56 millionga kamroq bo‘lgan. Ekranda ko‘p va xo‘p ko‘ringani, Marvel’ning qimmat va mashhur filmlarida suratga tushgani bunga sabab bo‘lgan.
Sofiya Vergara
2020-yilda esa Sofiya Vergara eng ko‘p pul ishlab topgan aktrisalar orasida yetakchilik qilgan. Ma’lum qilinishicha, komediya janrida suratga olingan “Zamonaviy oila” serialida suratga tushgan aktrisaning daromadi 43 million dollarni tashkil qiladi. Wallmart kompaniyasi uchun jinsilar ishlab chiqarishni boshlagan Vergara Rooms To Go mebellar do‘koni bilan ham hamkorlik qiladi.
Anjelina Joli va Bred Pitt
“Janob Smit va Smit xonim” filmida birga suratga tushgan juftlikka umumiy 30 million dollar to‘langan. Shundan 20 millioni aktyorga, 10 millioni esa Joliga berilgan.
Jessika Chesteyn va Mett Deymon
Matbuotda 2015-yilda suratga olingan “Mars tutquni” filmida suratga tushgani uchun Mettga 15 milliondan 25 milliongacha dollar to‘langanda, Jessikaga atigi 7,5 million berilgani haqida xabar tarqalgan. Ammo Chesteyn bundan 4 karra kam — 1,75 million dollar olganini ma’lum qilgan. Shundan buyon aktrisa gonorari erkaklarnikiga nisbatan kam bo‘lishiga ijozat bermaydi.
Jillian Anderson va Devid Duxovni
“Maxfiy materiallar”ning uch mavsumi davomida Deviddan kam pul to‘langan, keyinroq bu muammoga yechim topilgan. Ammo keyinchalik 2013-yildan suratga olinadigan qismlar ikki karra kam gonorar taklif qilingan.
Izoh (0)