73 yoshli Arnold Shvarseneggerning 65 yoshli rafiqasi, jurnalist Mariya Shrayver bilan ajrashish jarayoni nihoyasiga yetish arafasida. Juftlikning mol-mulkni tasdiqlash haqidagi hujjatga imzo qo‘yishi qolgan xolos.
2011-yilda aktyor turmush o‘rtog‘ining oldida uy xizmatchisi Mildred Patrisiya Bayendan nikohsiz o‘g‘li bor ekanini tan olgan. Juftlik ajrashish uchun sudga o‘sha vaqt murojaat qilgan, ammo bu ancha vaqtga cho‘zilgan.
Va nihoyat ajrashish jarayoni yakuniga yetayotgan Arnold va Mariya barcha masalalarga do‘stona yechim topishga urinmoqda. Farzandlari allaqachon voyaga yetgani uchun juftlikning vasiylikni hal qilishiga hojat yo‘q. Yagona muammo moliyaviy masalalar yuzasidan kelib chiqqan. Turmush qurganida nikoh shartnomasini imzolamagani sabab sobiq mol-mulk teng bo‘linishi kerak. Norasmiy ma’lumotlarda Arnold va Mariyaning mulki 400 million dollarni tashkil qilishi aytiladi.
https://www.instagram.com/p/CQWSZgenFh6/?utm_source=ig_embed&ig_rid=4ff537e1-38cc-4c16-b564-37fb9bfbf335
Aktyor sudga oshkor qilish to‘g‘risidagi bayonotni topshirgan, endi so‘nggi yurish Mariyadan. Agar kelishuv aktyorning rafiqasi tomonidan imzolansa, ular rasman ajrashishi mumkin bo‘ladi.
Ma’lumot uchun, Arnold AQShning 35-prezidenti Jon Kennedining jiyani Mariya bilan 1977-yilda tanishgan. Tanishishganidan 9 yil o‘tib, turmush qurgan juftlikning to‘rt nafar: 31 yoshli Ketrin, 29 yashar Kristina, 27 yoshli Patrik va 23 yashar Kristofer ismli farzandlari bor.
Mavzuga doir:
- Shvarsenegger, Kanye Uest va mudhish avtohalokatga uchrab, omon qolgan boshqa yulduzlar
- Bill Geytsdan Arnold Shvarseneggergacha: koronavirusga qarshi emlangan mashhurlar (foto)
- “Xizmat qilishga tayyorman”. Arnold Shvarsenegger Yerni o‘zga sayyoraliklardan himoya qiluvchilar guruhini boshqarishga rozi bo‘ldi
Izoh (0)