Ba’zi yulduzlarga bolaligidanoq qiyin bo‘lgan. Hali uchishni bilmagan vaqtlaridan ota-onalari ularni uyasidan chiqishga majbur qilgan. Ammo o‘sha polaponlar keyinchalik muvaffaqiyatga erisha olgan.

Maykl Jekson

Afsonaviy qo‘shiqchi hech qachon bolaligi qanday o‘tganligi haqida gapirmagan. Ammo yulduz xotiralarni varaqlaganida dahshatli so‘zlar eshitilgan: “Biz uyga borishga qo‘rqardik, chunki otam qo‘lida kamar bilan stulda o‘tirar edi. Agar noto‘g‘ri ish qilingan bo‘lsa, kun ko‘z yoshlarsiz o‘tmas edi”.

Shu bilan birga, Jekson ushbu qattiq intizomga hurmat ham ko‘rsatdi, chunki boshqalar qatori u sahnada tinimsiz mehnat qilgan. Ammo shuni tan olish kerakki, Jeksonning otasidan olingan bolalik jarohatlari unga bir umr xalaqit bergan. “Jekson 5” guruhi o‘spirinligidan qo‘shiq ijro etishni boshlagan, Maykl va uning akalari esa ko‘pincha faqat o‘zlariga ishonishlari kerak edi.

Kayli Jenner

Agar butun oila taniqli odamlardan iborat bo‘lsa, kichik farzandlar o‘zining o‘sishini sekinlashtirishi mumkin emas. Kaylining o‘zi buning isboti. U hissiy, jismoniy, ijtimoiy va hatto moliyaviy jihatdan erta o‘sgan. “Onam 12 yoshimda menga pul berishni to‘xtatdi, – deydi u. – Men hamma narsani o‘zim amalga oshirdim”. Shuning uchun ham u o‘zini o‘zi ta’minlashda katta yutuqlarga erishdi.

Britni Spirs

Xonandaning aytishicha, onasi unga taniqli bo‘lishi uchun ba’zida azob-uqubatlar bilan yordam bergan. Linni esa hatto o‘zining tarjimayi holini “Bu mening aybim” deb nomlamoqchi edi: “Ha, bu kulgili tuyiladi, lekin ba’zida men shunday deb o‘ylardim, – deydi Britni Spirsning onasi. – Bu oson bo‘lmagan”.

Lindsi Loxan

1998-yilda o‘zining birinchi filmining premyerasida Lindsi 12 yoshdan ancha kattaroq ko‘rinardi. U kattalar singari mulohaza yuritar edi. Onasi Diana qizni 60 ga yaqin reklama roliklarida suratga tushishga majbur qilgan. Shundan so‘ng u uni kinofilmlarga olib borishni boshlagan. “... Keyingi hayotimda, ehtimol, bunday qilmas edim”, – deydi Diana intervyularida.

Aaron Karter

Mashhur hip-hop ijrochisi qizlarning kumiri edi.  Xonandaning ota-onasi uning menejerlari bo‘lgan, shuningdek, shon-sharafi bilan bir qatorda, oilaviy bank hisobi ham o‘sgan. 13 yoshida u hisob raqamiga kirish huquqini qo‘lga kiritdi va ota-onasiga juda ko‘p pul sarflashgani to‘g‘risida noqulay savollar berishni boshladi. 16 yoshidan boshlab  alohida yashashni boshlagan va deyarli oilasi bilan aloqa qilmaydi.